كيك بالحامض بكريقة جديدة و بمذاق روعة

السلام عليكم و رحمة الله و بركاته

موقع بسمة لكل ما يهم المرأة المغربية يقدم كيك بالحامض بكريقة جديدة و بمذاق روعة

مقادير و طريقة تحضير كيك بالحامض بكريقة جديدة و بمذاق روعة

من الاخت منار جزاها الله عنا كل خير

كيكة بالحامض بطريقة جديدة ومذاقها رائع لعشاق الحامض

اول شيء ناخدو حامضة واحدة بقشورها نغسلوها نقطعوها مكعبات صغيرة ونزولو ليها العضيمات ديالها . ونطحنوها مع كأس صغير ماء وكاس صغير سنيدة ونصفيو العصير ديالها ونزلو منو 4 ملاعق نخليوها للتزيين

مقادير كيك الحامض

5 بيضات 

عصير الحامض لي وجدنا 

دانون فاني

نفس كأس دانون نعبرو بيه سنيدة 

وكأس ونص زيت 

نخلط كل هذه المكونات جيدا نصبها في اناء و نضيف لها 5 كؤوس دقيق مغربل و كيسين من خميرة الحلوة ديما العبار بكأس دانون وملعقة صغيرة خل (اختياري) ولكنه يعطي نتيحة هائلة ونخطلهم بطراب اليدوي 

بعد ان تتجانس مكونات الكيك مع بعض نصبها في قالب مدهون بالزيت او الزبدة و مرشوش بالدقيق وندخل كيك الحامض للفرن سخون من قبل على درجة حرارة 180 حتى طيب الكيك وتنفخ حتى دوز نص ساعة الأولى عاد نختبر الكيك بعود أسنان 

بعد اخراج كيك الحامض من الفرن نخضر الصلصة هي عبارة عن 4 ملاعق من عصير الحامض لي احتفضنا به مع ملعقة صغيرة كريم باتيسيير وكأس ماء نخلط الكل ثم نضعه فوق نار مهيلة حتى تخثر الصلصة و نضيف لها 5 قطع من الشكلاط الأبيض حتى يذوب وسطها و نصبها فوق الكيك

و بالصحة و الراحة

#الحلويات #طورطات و كيك