-->
موقع بسمة موقع شهيوات مغربية حلويات مغربية متنوعة و اطباق مغربية
#بقاي_فدارك
// // // عراضة مع طريقة تحضير البسطيلة بالحوت

عراضة مع طريقة تحضير البسطيلة بالحوت

السلام عليكم و رحمة الله و بركاته

موقع بسمة لكل ما يهم المرأة العربية يقدم عراضة مع طريقة تحضير البسطيلة بالحوت

عراضة مع طريقة تحضير البسطيلة بالحوت

موضوع للاخت : بيت الورود جزاها الله عنا كل خير


اليوم بغيت نشارككم عراضة درتها لصاحب راجلي واخا كنت متخوفة في البداية لكني توكلت على الله وشمرت على دريعاتي والحمد لله ربي ماخيبنيش حاولت انني نخدم مرتاحة وماخليش كولشي حتى اخر لحظة يوم السبت في الصباح كتبت اللي خاصني في ورقة باش ماننسى والو وتقضيت اللي خاصني ستفت الحاجات اللي جبت كل حاجة بلاصتها باش نحيد الروينة من الكزينة وفي العشية ضربتها بتجفيفة فاعلة تاركة للدار لان الارضية عندي دغيا كتوسخ اصلا الصالون كان مجموع عندي يوم الاحد فقت بكري بديت بالبسطيلة وخضرة السلطة مرة وحدة باش نستغل الوقت شحرت الكروفيت في شوية زيت ملح ابزار وورقة سيدنا موسا حيدو من المقلة ودرت فيها الكلمار مبيت في الحليب ومغسول مزيان ومقطر حتى هو شوية الملح ايبزار ورقة سيدنا موسا والميرلا نفس الشي وننوع اخر د الحوت نفس الشي 
هاهي الميرلا من بعد ماتشحرات 


هاهو الصنف الاخر د الحوت نسيت ايسمو نقيتو من الشوك من بعدما تشحر 

من بعد وضعتهوم في صفايات باش يستقطرو الماء اللي فيهم باش ماتعجنليش الورقة 


في هاد الاثناء الخضرة كطيب كنحيدها من الطنجرة درت الروز وايبلي يطيبو كل واحد بوحدو بالاضافة للجلبانة 
وفي مقلة عملت بصلة بيضة مشلضة وشوية ملح وابزار حتى تشحرات مزيان ضفت عليها جزرة محكوكة 


مني تشحرات قطعت كمية من الربيع والتوم 


وضفتو للمقلة من بعد ضفت عليها واحد 6 معالق صلصة صوليص 


وقبل مانزولها من فوق العافية ضفت صلصة الصوجا اللي عطاتها مداق رائع وضفت عليها واحد جوج معالق كبار د الهريسة والحمض مصير 
صلقت قشور القيمرون وورقة سيدنا موسى وتوم ومن بعد صفيته وزدت عليهم الشعرية الصينية مدة 5 داقيق 


ودرتها في شبكة باش تستقطر الماء ديالها 


في الليل قبل ماننعس رقدت اللحم في ليقامة باش تدخلو مزيان مع 8 د الصباح حطيت الطنجرة فوق النار ونقصت عليها لاقصى درجة باش تطيب على خاطرها 


دابا تقريبا كولشي واجد عندي الخضرة كاملة طابت وحشوة البسطيلة حتى هي خديت شوية من الحشوة اللي عندي في المقلة خلطها مع الشعرية الصينية والباقي خلطو مع الحوت وفي الاخير خلطهم مع بعضهم 


وهاهي قبل ماندخلها للفرن 



عسلت الاناناس والمشماش وبديت في توجاد الديسير اللي كان عبارة عن كؤوس بالفلان وطبقة رقيقة من المهلبية وعصير الليمون وفواكه مشكلة 
درت الفلان والليمون فوق البوطة ومن بعد كبيته في كؤوس التقديم غطيتهم بالسلوفان ودخلتهم التلاجة غسلت الميعنات اللي كان عندي وقطعت البصل للحم وهو يتشحر على خاطر خاطرو مني تشحرات مزيان ضفت لها الزعفران حر ومامرقتهاش نهااائيا طابت غير ف الما اللي طلقاتها اللحم والبصلة كانت 11 قطعت الشلاضة وستفتها في طبسيل التقديم وغطيتها ودخلتها التلاجة باش تبرد 
مع 12 عمرت ورقة البسطيلة ودخلتها الفرن وجمع الميعنات اللي بقاو واللحم طابت طفيت عليها المشماش والاناناس تعسلو وكملت على الديسير 
مع 2 جاو الضياف جلسو شوية 
بديت بالسلطة اللي قدمتها على هاد الشكل 


من بعد قدمت البسطيلة مزينة بالخس و الكروفيت مشحر في شوية زيت 



مني سالاو قدمت اللحم مزين بالاناناس والمشمش والكركاع نصوصا 



تم الديسير كؤوس بالفواكه مشكلة وطبسيل الدلاح مصورتوش 



واخيرررررررر هدا بلاطو الحلوة مشكل وجدت من قبل 



#اطباق رئيسية #قسم العراضات و الولائم

29 تعليق على "عراضة مع طريقة تحضير البسطيلة بالحوت"

  1. coucou8/1/14

    Tbarklah 3lik lah
    i3tik sha

    ردحذف
  2. غير معرف8/1/14

    ماشاءالله عليك كلشي متول وغزال والشرح حتا هو بالتفصيل عجباتنيهاد لعراضة الله يجازيك كل خير( ام جنات)

    ردحذف
  3. غير معرف8/1/14

    تبارك الله عليك

    ردحذف
  4. غير معرف8/1/14

    tbarkalah 3lik o s3dat wlidatk o rajlak bik

    ردحذف
  5. غير معرف8/1/14

    Tbarkellah 3lik akhti hadchi 3andek ghzal oraki 7amarti wjah rajlek m3a.dyafo bet'kid(om mohamed))

    ردحذف
    الردود
    1. غير معرف8/1/14

      ماشاء الله تبارك الرحمن. ربي يخلي الصحة. كنستفدوا بزاف من الأخوات الكريمات(ام البنات)

      حذف
  6. غير معرف8/1/14

    hadchi 3ndak ghzaaal akhti(amona)

    ردحذف
  7. غير معرف8/1/14

    Salam tbakhklah 3lik kolchi 3la ha9o otkhi9o ah basah fach kaybkho ijo dyaf kankhafo walakin 3tini fikra chokran bazaf houda

    ردحذف
  8. غير معرف8/1/14

    tbarklah 3lik akhti lah i3tik sahha o hta tandim 3ndk zwin bzaf bravo

    ردحذف
  9. غير معرف9/1/14

    wash salata makadirosh liha l3trya ghir katsla9 wt7at wla kufash fidoni lah ykhalikom

    ردحذف
  10. غير معرف9/1/14

    إيوى ماعندي منكول سعدات الراجل متروج بيك حادكة وهيبة

    ردحذف
  11. غير معرف10/1/14

    tbarkallah 3lik wsafi wtbarkallah hta 3la rajlak

    ردحذف
  12. om fares10/1/14

    Tbarkelah 3lik

    ردحذف
  13. Unknown13/1/14

    machalah 3lik klchi ghezal

    ردحذف
  14. Unknown13/1/14

    3lch mkibanouch les commentaire ta3i

    ردحذف
  15. Unknown13/1/14

    hmdl wa a5iran hhhh

    ردحذف
  16. غير معرف17/1/14

    ان هده الصفح جيد لي المتزوجات الدين لا يعرفون الطبج و شكرا لكم

    ردحذف
  17. غير معرف19/1/14

    Tbarka lah fik hadak che ja ghezal

    ردحذف
  18. غير معرف25/1/14

    bravooooooooooo

    ردحذف
  19. غير معرف26/1/14

    tbarklah hlik

    ردحذف
  20. غير معرف28/1/14

    ماشاءالله عليك كلشي متول وغزال والشرح حتا هو بالتفصيل عجباتنيهاد لعراضة الله يجازيك كل خير

    ردحذف
  21. غير معرف1/2/14

    سلام عيكم الا سمحتوا ليا بغيت نسول على ثمن علبة الاناناس الى جات على خطركم ومضحكوش عليا

    ردحذف
  22. غير معرف4/2/14

    wa9ila chi 7drahim hhhhhhhhhhhhhhhhhhhhhh dahaktini smhli ana ranya min isbanya

    ردحذف
  23. غير معرف5/2/14

    tbarkellah 3lik et machallah

    ردحذف
  24. غير معرف14/2/14

    aslam o3likom al bnat brit ansaual 3lach an rakdo klamar flahlib jaouboni

    ردحذف
  25. Unknown18/2/14

    Salam alaykom
    Tabaraka llah 3lik akhti ila kan momkin ta3tinu wasfa dyal dessert

    ردحذف
  26. غير معرف30/3/14

    wach khalati le flan maa limone

    ردحذف
  27. غير معرف1/6/14

    tbarkalh 3lik osafi lah ya3tik s'aha akhti ana chaymae man berkane

    ردحذف
  28. غير معرف10/7/14

    تبارك الله عليك حمرتي وجه راجلك



    ردحذف

اتركي تعليقا
:) :( hihi :-) :D =D :-d ;( ;-( @-) :P :o -_- (o) :p :-? (p) :-s (m) 8-) :-t :-b b-( :-# =p~ $-) (y) (f) x-) (k) (h) cheer lol rock angry @@ :ng pin poop :* :v 100

الاشتراك في: تعليقات الرسالة (Atom)