-->
موقع بسمة موقع شهيوات مغربية حلويات مغربية متنوعة و اطباق مغربية
#بقاي_فدارك
// // // // // فضفضة مع بسمة و أخواتها

فضفضة مع بسمة و أخواتها


السلام عليكم و رحمة الله و بركاته

موقع بسمة يفتتح قسم جديد فضفضة مع بسمة و أخواتها 

لقد تم افتتاح قسم جديد اسمه فضفضة مع بسمة و أخواتها في هذا القسم سنتطرق ان شاء الله للمشاكل التي تعاني منها اغلب النساء


نفضفض لبعضنا و نتشارك في حل مشاكلنا و نقدم كل ما يمكن تقديمه من نصائح و حلول لتغيير حياتنا للافضل و الاحسن باذن الله



#جديد المواضيع #فضفضة مع بسمة #مطبخ #وصفات طبخ

مواضيع قد تهمك

13 تعليق على "فضفضة مع بسمة و أخواتها "

  1. موقع بسمة 24/1/20

    من بين الرسائل لي وصلاتني في قسم الحياة الزوجية لكن نقلتها لهاد القسم الجديد قسم : فضفضة مع بسمة و أخواتها

    سلام اخواتي انا ليلى جديدة معاكم في هاد المنتدى انا بغيت نخوي قلبي عليكم ولكن مشكل عندي اني يلاه بغيت نطلب طلاق مازال ماطلقت تزوجت هادي عام ونص راجلي عايش في ايطاليا وكان واعدني قبيل زواج انو غادي يدفعلي لوراق واحد ساعة مازال ماكاين والو بحجة ظروف لمشكل ليكبير انو خلاني مع الاهل ديالي وانتما عارفين الوالدين الله اسمحلينا منهم ديما عندهم داك تخوف انو مايدينيش وهادشي خلقلي مشاكل مع والديا وبالاخص الام ديالي ديما كتلوحلي الهضرة وكنبقى نبكي حيث هو كان الاختيار ديالي وماعندوش شخصية قدام الاهل ديالو بالاخص خوتو ديما هما تايدخلو في قرارتنا واي حاجة قلتهالو بيناتنا تانلقاها وصلاتهم واخا نكون وصيتو قبل وخلي داكشي لي خبر عليا والامراض لي عندو وماقلييش من الاول عليهم وهادشي خلاني نفكر في طلاق باش تنصحوني بغيت نتهنى ماني مزوجة ماني مطلقة كيجي عندي 20 يوم في العام بغيت نطلق نصحوني اخوتاتي

    ردحذف
  2. موقع بسمة 24/1/20

    سلام اختي ليلى كنتمنى تلتاحقي بهاد القسم جديد انا لي نقدر نقول ليك على مشكيلتك انكي تصبري الى كانت فعلا ظروف راجلك مكتسمحش ليه انو يديك معاه اما الى كانت ظروفو كتسمح ليه و مخليك هادي حاجة اخرى

    بالنسبة للاخوان ديالو لي كيدخلو فقراراتكم راه ختي داكشي كيكون غير فالاول من بعد كل واحد كيتشغل مع ولادو و دارو مع الوقت كل واحد
    كيستقل بحياتو

    و بالنسبة للهضرة لي كتكون بيناتكم و كيوصلها لعائلتو ختي متبقايش تعوديلو اي حاجة عاوديلو غي الحوايج لي معندكش مشكل انو يعاودهم و مع ذلك حاولي تغيري فيه هاد القضية حيت خايبة بزاااف اسراركم لازم تبقى بيناتكم

    اختي ليلي لي نقدر نقولك حتى واحد ميقدر يقولك طلقي او لا هاد القرار نتي لي خاصك تقرري فيه نتي لي غادي تعرفي واش مزال باغا هاد الراجل و لا لا نتي لي غادي تعرفي واش قادة مزال تصبري و لا لا

    انا لي كنشوف ان بزاااف د الامور تحلات بالصبر و الدعاء و اللجوء لله سبحانه و تعالى
    الله يجمع شملك مع راجلك اختي ليلى

    ردحذف
  3. niama24/1/20


    slm ana niama knskon fi moroco lge 22 ans khadama fi charika ana kol mara kyt3raf 3liya chi whd kyghol liya barik lezewaje fch knghol lihe ma3ndich rajliya bjoje kyghol liya mn n9darech nji ldrekom wakha ana dyera rajline setina3iyine saraha kntesdam o hadchi kye2atre fiya beryt n3raf wch ma3ndnch leha9e netezawj oi ndire wlidate jawboni 3fakom samho liya ila brezatkom

    ردحذف
    الردود
    1. موقع بسمة لكل ما يهم المرأة العربية25/1/20

      ختي نعمة هادا ابتلاء من الله سبحانه وتعالى والى صبرتي عندك اجر كبيييييير بإذن الله ومسألة الزواج راه قسمة و نصيب نهار يكتاب اكيد حتى حاجة مغادي يمنعو
      الله يرزقك اختي نعمة بالزوج الصالح

      حذف
  4. SLSK25/1/20

    السلام عليكم ورحمة الله .. الاخوات انا جديدة معاكم جيت نخوي قلبي عليكم انا مزوجة 3 سنين هادي وعندي بنية المشكل هو انني مكانحملش راجلي فالاول كان كره بسيط وقلت مع المدة غادي يمشي لكن غادي وكايتزاد لدرجة وليت كانتخايل راسي كانقتلو مهم غير مانبقاش معاه عفاكم الاخوات عطيوني شي حل انا يلاه دخلت 19 عام وكايزيد عليا مكايخرجني مكايخليني نخرج ساد عليا فالدار كانمشي لدارنا مرة فشحال عفاكم البنات نصحوني كانحس براسي مؤخرا صافي عييت زعما تانقول تال امتا غانبقا صابرة تانقول واش حياتي غادي دوز كلها هكا عفاكم نصحوني

    ردحذف
  5. SLSK25/1/20

    السلام عليكم ورحمة الله .. الاخوات انا جديدة معكم فالمنتدي جيت نخوي عليكم قلبي .. انا مزوجة 3 سنين هادي وعندي بنية المشكل ديالي هو انني كانكره راجلي من نهار عقد عليا ونفرت منو فالاول ولكن من بعد تقبلت هاذ الكره وبقيت عايشة معاه ولكن مؤخرا صافي كانحس براسي عييت يعني وصلت لواحد المرحلة وليت كانتخايل راسي كانقتلو ولا اي حاجة المهم غير مانبقاش معاه عييت وهو زايدها ساد عليا فالدار مكايخرجني مكايخلني نخرج وكايغير من ابسط حاجة حرمني من صلة الرحم مع عائلتي تايقول لي لي بغاك غايجي يشوفك .. عفاكم الاخوات نصحوني راني كانتعذب بهاد الكره كانبكي بالليل والنهار وتاحد معارف من عائلتي اش كانعاني .. كانحس بحياتي ضاعت وانا يلاه دخلت 19 عام عفاكم البنات نصحوني راه مالقيت على من نخوي قلبي من بعد الله غيركم

    ردحذف
    الردود
    1. موقع بسمة 26/1/20

      وعليكم السلام و رحمة الله و بركاته مرحبا بيك اختي بيناتنا

      ختي اول شيء باش تعالجي اي مشكل فالاول خاصكي تعرفي السبب يعني شنو سبب الكره ديالك لراجلك ؟؟؟؟

      الى كان السبب تصرفاتو و افعالو جلسي معاه و تناقشي معاه و قولي ليه داكشي لي كتكرهي فيه باش يحاول يغيرو

      اما الى كانو تصرفاتو عااادية معاك و معا ذلك كتكرهيه كنصحك اختي تبقاي تقراي سورة البقرة يوميا و عودي خدميها فدارك و سمعي ليها و طلبي الله يحببك فزوجك ويجعل المودة و الرحمة بيناتكم عليك بسورة البقرة سورة البقرة و الدعاء

      و بالنسبة للخروج لي مكيخليكش تخرجي راه مسألة عاااااااادية جدا بحكم انكي مزااال صغيرة يالاه عندك 19 عام يعني غادي يخاف عليك و مدام كيقولك لي بغاك يجي عندك مزيان مرة مرة ديري شي عزومة لعائلتك نشطي معاهم و مرة مرة يخرجك هوا و من بعد تكبر بنتك شوية و تكبري حتى نتي شوية ههههه و ديك ساعة باذن الله راه تخرجي مع بنتك

      حياتك اختي ما ضاعت موااااالو الله يرزق غير الصحة و السلامة الحياة كلها مزال كتسناك ان شاء الله تعيشيها مع راجلك و بنتك و وليدات اخرين ان شاء الله غير بقاي تقراي سورة البقرة يوميا فالاول غادي تجيك صعييييبة و لكن مع الوقت غادي تولي تجيك ساهلة و كنتمنى تكوني كتصلي و محافظة على اوقات الصلاة

      و الله يسر امورك اختي

      حذف
  6. Unknown12/2/20

    السلام عليكم ورحمة الله وبركاته كيف حالكم أخواتي الحبيبات الله افراج عليكم هاد الموقيع صرحة اللهم بارك جميل

    ردحذف
    الردود
    1. موقع بسمة 14/2/20

      امين يا رب اختي الله يفرج على الجميع و بارك الله فيك على التشجيع شكرا لك و مرحبا بك معنا في موقع بسمة

      حذف
  7. Unknown21/2/20

    انا متتبعة لهاد الموقع من زمان يمكن واش 2007 مابقيتش عاقلة وستافدت منو بزاف كانت عندي ديك ساعات 15 سنة ههههه كنحماق على الطبخ كنت نسيت هاد الموقع حيت كان فيه مشكل وصحاب ليا تسد حتى لقيت الباج فالفايس وجيت قلبت واسترجعت دكرياتي شكرا لك أختي بسمة الله يجازيك كل خير على مجهوداتك

    ردحذف
    الردود
    1. موقع بسمة 21/2/20

      مرحبا بيك اختي مجددا اه كانت ذكريات كثيرة مع بزاااف د الاخوات الموقع كان بدا ف 2010

      حذف
  8. ام محمد9/3/20

    سلام اختي لبس عليك انا عندي مشكيل صعيب مع راجلي انا عام او 4 شهور باش تزوجها عاد حملت مكنتش كنعرفو جيت لمدينة لي ساكن فيها هوا اتلقيت مع مو في عرس من بعد تعرفت عليه وتزوجها دليل راجلي كيصرف على دارهم كول مرا مشينا عندهم او كلو شي حاجة مكين غير جيب جيب امشي فقصني ام مرضني حيت انا الى كولت ليه خاص شيحاجة في دار كيكوليا من بعد الوكيل ونعم كينين خوتو بزاف مدينا في ولدهم اديورهم هوا لي مسوق صرحة عيت مندوي غير كمرض راسي غير كنتخصمو كول مرا احتى عائلتين ناس خيبين كنكول نتفرق معه وترتاح كنكول منضيعش هد ولد الا بنت انا مريضة بي اعصاب الوسواس تصحيني أختي والله عيت

    ردحذف
  9. ام محمد9/3/20

    سلام عليكم انا ليلى جديدة معاكم اول مرا نشارك انا متزوجة عام او4 شهور راجلي مكنتش كنعرفو غير كنت معروض عرس في مدينتو تما تلقيت بي مو مهيم تعرفنا اتزوجنا مشكيل هوا راجلي كيصرف على عائلتو فيلما نمشي عندهم مكين غير جيب جيب هدشي فقصني حيت كينين 5 خوتو كول واحد مديها في دار اولادو انا عاد حملت من بعد عام عيت مندوي معه مني نكوليه خاص في دار اكوليا من بعد اخوتو عرفينو معندو لا بنت لا ولد لي غيصرف عليه كاع مكيتسوقو والديهم ابه عند تقعود هدشي اكيعصبني انا مريضة بي اعصاب اوسواس كول مرا منوضينها كنكوليه غنتفرق هدشي بزاف عليا واخا ناس قبل كالو ليا هدشي مي بغيتو تصحيني اختي

    ردحذف

اتركي تعليقا
:) :( hihi :-) :D =D :-d ;( ;-( @-) :P :o -_- (o) :p :-? (p) :-s (m) 8-) :-t :-b b-( :-# =p~ $-) (y) (f) x-) (k) (h) cheer lol rock angry @@ :ng pin poop :* :v 100

الاشتراك في: تعليقات الرسالة (Atom)