السلام عليكم و رحمة الله و بركاته
موقع بسمة لكل ما يهم المرأة المغربية يقدم البسطيلة بالحوت بالخطوات المصورة مع طريقة طهي الكروفيت و الكلمار
البسطيلة بالحوت بالخطوات المصورة مع طريقة طهي الكروفيت و الكلمار
مقادير بسطيلة الحوت
من الاخت بنت باشا جزاها الله عنا كل خير
على بركة الله غادي ندوزو لطريقتي في طهي الحوت
الكروفيت تنشدو نصلقو 15 دقيقة مع ورقة سيدنا موسى وضرس توم
فاش يبرد نقيوه ونسمو بالزبدة والمعدنوس والملح ونديه ونجيبو دقيقة مكاملاش فوق العافية
الكلمار ترقدو في الحليب مدة ساعتين ونصفيه ونديرو في ماء مغلي مع طرف دالحامض ورقة سيدنا موسى مدة 15 دقيقة
ونضيف ليه العطرية
من بعد ندوز لحوت الابيض لي تيكون كبير شوية كانو عندي 2 حوتات + شي طريفات ديال الهبرة فورتهم مع التوم ورقة سيدنا موسى وطرف الحامض
وفاش بردو نقيتهم من الشوك
دابا ندوزوا للشرمولة وهي اهم حاجة في البسطيلة
خديت علبة ديال شومبينيو وقطعتو ودرتو في مقلة ضفت عليه بصلة مشلضة معدنوس زيت العود وزيت المائدة ابزتر و تحميرة التومة لي تبخرات مع الحوت ورقة سيدنا موسى مطيشة الحك كنور الحوت الابزار الملح ملون غدائي سكنجبير صلصة الصوجا حامضة مصيرة ومقطعة زيتون مقطع هريسة ونمرقهم بمرقة لي تصلق فيها الكروفيت
وناخد شعرية الصينية ونطلقها في مرق الكروفيت ونقطعا ونضيفها للشرمولة وشوية من كروفيت وكلمار وهبرة الحوت
الحشو جاهز ماتبقى من الحوت باش ندير طبقات وطبعا الورقة ديال بسطيلة
تناخد لاطة ونسرح فيها ورقة التحت وعاد وريقات في جناب وانا تنرش الزبدة دايبة وناخد طبقة من شعرية الصينية وطبقة فرماج كروفيت كلمار هبرة د الحوت
وحنا غادين حتى يسالي الحشو لي عندنا
ونبداو نجمعو الجناب ديال الورقة
انا تنسدها بخليط الطحين والماء باش متحلش ليا الورقة ونرش الزبدة دايبة
فاش تنجمع الجناب تنغطي البسطيلة بورقة كبيرة لي هي الواجهة وندهنها بالزبدة
وندخلها للفرن ساخن
فاش تتخرج تنقلبها في طبق تقديم تنزينها بالفرماج والحامض والكروفيت وعويدات زيتون والكاشير
وبالصحة والراحة
الله اعطيك الصحة
ردحذفبنسبة نماقادير شحال خسنا دكروفت كالامار شعرية ورقة ليتقدنة بدبط
ردحذفlah y3tik sa7a .jarbi l7out lbyd diri lih chrmola dl7out 3tria touma rbi3 lmhm nfs l9wam li drti f chrmola dialk. dirih f papier alum dkhlih 10 tal 15 mn lfran radi yjik bnin tana knt nfwro mi fach jrbt lfran kyji bnin bzaaaaaaaaaaaaf ktb9a kl 1 w tai9a li tjih sahla tbrklh 3lik
ردحذفkhti lma9adir dial l7out nti w jhdk 9ad ma kan l7out bzaf rtjik bstila kbira ila drti kilo 7out byad )(t9dri diri 2 chkal dial 7out ) 500g crevette 500 calamar 500 vermicel w tzidi l9wam li 3tat lokht zitoun champighnon ktzidi ola tn9si flma9adir machi mchkil ra l3trya dial chrmoula khasha tkoun mnasba mfiha bas dou9i w zidi 9yask dial 3trya ola l7ar ila knti awel mara rtsaybiha diri kimya 9lila mtln 250 g ola 300 g mn l7aja t3tik bstila mabihach lmalin dar . w mtnsych t9biha bchi 9tyb r9i9 9bl ma dkhliha lfran .bnisba lwar9a tb3i tari9a dial okht fi ty lbstila ykhask 10 wr9at bstila kafink
ردحذفsalam 3likom.ghzal dakchi.mkrahtch tfidina bi bastila dyal djaj 3afak lah min kol soue
ردحذفTbarklah 3lik akhti chokran 3la lwasfa
ردحذفتبارك الله هلك اختي
ردحذفlash katra9ad calamaar f lhleeb
ردحذف