السلام عليكم و رحمة الله و بركاته
موقع بسمة لكل ما يهم المرأة المغربية يقدم تجمع الحادكات :اسرار الطبخ و تنظيف و ترتيب البيت الجزء 2
تجمع الحادكات :اسرار الطبخ و تنظيف و ترتيب البيت الجزء 2
تجمع الحادكات :اسرار الطبخ و تنظيف و ترتيب البيت الجزء 1
اولا تحية لكل سيدة ربة بيت تحية احترام و تقدير للنساء الحادكات لي كتهتمو بديورهم ووليداتهم و رجالاتكم و كيسعاو دائما لاسعادهم في كل شي
ربت البيت هي مهنة بحد ذاتها لان فيها تكون المراة : زوجة و مربية و معلمة و طباخة و طبيبة وقاضية المهم هي تجمع العديد من المهن واخا كاينين ناس لي تيقولو ليك انتوما جالسين فالدار يعني ماكاديرو والو اوا هادو غير ما
جربوش باش يعرفو شكون لي ماكايدير والو
في هذا القسم ان شاء الله سيكون تجمع للحادكات لكي نناقش و نتكلم عن اسرار الطبخ و كل الاعمال المنزلية وكل وحدة تدخل تقولينا نظامها في دارها ومطبخها باش نتبادلو الخبرات والافكار والتجارب
و كل وحدة تقول لينا الطبق أو الاكل لي كتفوق فيه و شنو السر في ذلك
ان شاء الله يكون تجمع خير ومحبة يارب
ما جاء من مشاركات في الجزء الاول من تجمع الحادكات
salamo3alikom iwa fink a om mohamed rida twahachna nasaih dyalk matbakhlich 3lina rah mnin kan9ra chi nasiha dyalk 3ad kat9wa fiya lhdaga matsamhich fiya 3afak m3ak om safae
ردحذفana 3ad tzowjt 3fakom le3anda chè oklat khfefa osahlen
ردحذفtfedna behom merci
السلام عليكم معاكم ام عبير و الله يا بسمة حتى هاد الموقع له سحر خاص سبحان الله اصبحت مدمنة عليه كتبت بزاف مؤخرا ما بان والو وفرحت ليوم بافتتاح الجزء الثاني شكرا جزيلا. ام عبير.
ردحذففينك يا ام محمد رضا نتمنى تكوني بخير توحشنا نصائحك القيمة تبارك الله عليك و تحية لكل المشاركات.
ردحذفrad fi3al
ردحذفsalam finkom alhadgat 3tiwna asrar tabkh
ردحذفom aya
السلام الاخوات ربي لما تعاونوني وتنصحوني راه اختكم غاااااااارقة في الرواين .انا مشكلتي تنجمع علي الشغل ومتنعرف ملين نبدا كلشي مرون .وتنحشم اجي شي احد على غفلة.الله استر عليكم بيت نظام للتنظيف اليومي وللاسبوع كامل .والتوقيت معاش خصني نفيق.انا عندي بنيتة وحدة. وراجلي مبقاش عجبو هاد الحالة وهدشي وﻻ تياتر علينا .انا كنعس بزاف ومتنقدرش نشقا .غير نبدا اوتجيني السخفة .ولكن دابا بيت نبدل هادشي ونبدا من جديد ونظم راسي .راه بعدت على الطريق بزااااااااف . ماجدولين
ردحذفlmodawama 3ala salat w radi thassi b rassk dima nachta w en forme w mra mra khorji nti w rajlak w lbnita fawji chwiya bach twahchi dark w ykon 3ndk lkhatr l takhmal w ghsil lma3N
ردحذفماجدولين سميتك زوينة ههه شحال هدا ماسمعتها انا ف اسبانيا وبحال هاد الاسماء توحشتهم هههه لمهم انعطيك واحد نضام انا غير كانحاول نوصل بحال مولاتو ههه لمهم راااائع جربت وعجبنيييييي
ردحذفهدا نهديه لماجدولين
ردحذفطريقة تنظيف المنزل خطوه بخطوه كيف انظف المنزل طرق تنيظف المنزل كيف ارتب منزلي ترتيب المنزل عمل ترتيبات المنزل البيت
السلام عليكم ورحمة الله وبركاته خواتي الكريمات هذه طريقتي المبسطة في التنظيف ويمكن أن لاتسعفني الذاكرة بذكر نقطة او معلومة فاسمحوا لي ، أتمنى لكن الإفادة ...... مودتي
التنظيف ينقسم الى :
تنظيف يومي
تنظيف اسبوعي
تنظيف شهري
تنظيف نصف سنوي
تنظيف سنوي
اولا : التنظيف اليومي ويشمل :
تنظيف الغرف ويشمل :
الأسرة
الفرش أو البلاط
ترتيب الأغراض
بداية أقوم برفع جميع الستائر وفتح الشباك حتى يتجدد هواء الغرفة ومن ثم اقوم بنفض شرشف السرير واذا كانت الشمس تدخل الغرفة بحيث إنها تشع على السرير اتركي السرير لمدة 20 الى 30 دقيقة حتى تقتل الحشرات او الجراثيم وبفوطة مبللة نوع ما بماء و (ديتول ) اقوم بمسح أطراف السرير ومن ثم اقوم بترتيب الشرشف وبنفس الفوطة بعد أن أعيد غسلها وإعادة تنشيفها امسح على الخزائن والتسريحة وإعادة ترتيب الأغراض المستخدمة يوميا وتنظيف المرآة وتنظيف البلاط بالمكنسة الكهربائية وبعد أن انتهي امسح الجرانيت بمادة معقمة .
ملاحظة : لمن تعاني من الحساسية يفضل مسح الغبار بفوطة مبللة بدل الريش وتنظيف الأرضية بالمكنسة الكهربائية بدل المكنسة اليدوية .
تنظيف الحمامات ويشمل :
تعقيم المرافق
تنظيف المرافق والصنابير
ترتيب الأدوات
غسل الحمام
اول شي أقوم بتعقيم مرافق الحمام كالمغاسل والسيفون والحوض (بالكلور ) لمدة 10 إلى 15 دقيقة حتى يؤدي غرضه ومن ثم اقوم باسفنجة مبللة مع محلول ( الجف ) بفرك المرافق وأماكن الوسخ والصنابير وبالخص في حمامات الأطفال وتنظيف الأدوات ذات الاستخدام اليومي وأقوم بشطفها بالماء واضع بعض من الجف على الأرضية وفركها بفرشاه خشنة وشطف الأرضية وقبل التشطيف اقوم بوضع بعض من محلول ( الديتول ) واشطف بالماء وأقوم بترتيب الأدوات .
ملاحظة : إن تنشيف المرافق والصنابير يساعد على المحافظة عليها من الصدأ وإطالة عمرها .
تنظيف الصالة ويشمل :
تنظيف الكنب
تنظيف الإكسسوارات
تنظيف البلاط
اقوم برفع الستائر وفتح الشبابيك لتجديد الهواء ومن ثم اقوم بتنظيف الكنب بنفض الوسائد وتنظيف أطرافها بالفوطة المبللة ما بماء و (ديتول )وتنظيف الإكسسوارات والكماليات وترتيبها ومن ثم اكنس الأرضية بالمكنسة الكهربائية ثم اقوم بترتيب وسائد الكنبة وامسح البلاط بمحلول التنظيف المعقم .
ملاحظة : تنظيف الممرات والزوايا تكون بنفس الطريقة .
تنظيف المطبخ ويشمل :
تنظيف الغاز
المغاسل
الرخام على الخزائن
الأرضية
التنظيف اليومي للمطبخ يكون في اغلب الأحيان بعد طبخ وجبة الغداء اقوم بغسل جميع الصحون والأدوات التي قمت باستخدامها للطبخ وغسل المغاسل ثم اقوم بتنظيف الفرن ومسح علب البهارات ومسح أدراج الخزائن الخارجية وأبواب الثلاجات والرخام بمادة ( الجف ) ولاانسى أطراف السيراميك تحت فرن الغاز حيث تتجمع الدهون نتيجة للطبخ وتنظيف الطاولة وبممسحة خاصة فيها مادة معقمة وماء امسح الأرضية .
ملاحظة : يفضل غسل المطبخ في الأسبوع مرة او مرتان حسب الحاجة وتنشيف الارضية مباشرة بعد التنظيف وبالخص إن كانت الخزائن من الخشب .
تتمة
ردحذفثانيا : التنظيف الاسبوعي ويشمل :
تنظيف الغرف :
غرف النوم
اقوم بنفس الطريقة اليومية بالإضافة إلى ذلك تنظيف الأدراج وترتيب محتوياتها نفض الستائر ومسحها إن كانت من النوع السهل التنظيف وتغيير الشرشف ومسح البطانية بماء و (ديتول )
ومسح الخزائن من السقف بمسحه بفوطة مبللة بالماء فقط وبعد أن تنظف اقوم بمسحها مرة أخرى بفوطة مبللة (بالديتول ) ومسح جميع الإكسسوارات والمعلقات وأدوات الماكياج والمستحضرات وأطراف الأثاث وتعريض الفرش للشمس .ومسح ابواب الغرف بـــ ( الجف ) .
غرفة الألعاب :
اقوم بتنظيفها يوميا و أسبوعيا أقوم بجرد الألعاب الصالحة من التالفة وتعقيم صندوق الألعاب ومحتوياته بــ (الديتول )
تنظيف الحمامات :
بنفس طريقة التنظيف اليومي بالإضافة إلى جرد الإغراض والأدوات وتنظيفها وإعادة ترتيبها في الخزائن والأرفف وغسل سلة النفايات وتعريضها للشمس وتنظيف المروحة والستائر والجدران وأقوم بتنظيف الأرضية والسيفون بمحلول (فلاش ) حيث يقوم بتنظيف الترسبات والأوساخ .
الصالة :
التنظيف يكون كالتنظيف اليومي بالإضافة إلى نفض الستائر وتعريض وسائد الكنب والسجاد في الشمس لمدة ساعة الى ساعتين وغسل الورود الصناعية والكماليات الاخرى وتنشيفها وتحريك الكنب وتنظيفه .
المطبخ :
إخراج جميع محتويات الثلاجة وتنظيفها وتعقيمها وإعادة ترتيب الأغراض ومسح الثلاجة من الخارج وعلى السقف وتنظيف أسقف الخزائن بمادة ( الجف ) ثم تنشيفها وتنظيف الفرن
من الخارج والداخل والأطراف وتنظيف علب البهارات والميكروويف والكماليات الأخرى
والشباك أماكن تجمع الأوساخ والحشرات للشباك وغسل خزانة الخبز وتعريضها للشمس وغسل سلة المهملات وتعريضها للشمس لمدة نصف ساعة تقريبا ومسح أبواب الخزائن والأسطح بالماء والصابون ثم مسحها بفوطة مبللة (بالديتول ) وألان دور الأرضية حيث إني اصب على الأطراف وأماكن الدهون منظف (فلاش ) أو ( الكلور ) وافرك المناطق المتسخة واتركه لمدة 15 دقيقة وفي هذه الأثناء اقوم بتنظيف المروحة وجهاز التكييف بماء و (جف ) ثم تنظيف الشباك والمغاسل ثم شطف الأرضية جيدا وتنشيف المغسل وتلميع الصنابير.
ملاحظة : أبدا لاتخلطي محلول ( الفلاش ) مع مادة ( الكلور ) أو المبيض حيث ان تفاعلهما يكون خطر على الجلد والعين .
تتمة .......
ثالثا : التنظيف الشهري وبشمل :
ردحذفغرف النوم : بنفس طريقة التنظيف الأسبوعي بالإضافة إلى تنظيف الأدراج والخزائن وإخراج محتوياها وتعقيمها بمحلول ( الديتول ) وجرد الملابس الجيدة والتالفة او القصيرة وإعادة ترتيبها وجرد الأدوات الغير مرغوب بها او التالفة وتعقيم باقي الأغراض ومسح الخزائن والأسطح والشبابيك وتنظيف اطرافها ومسح سقف الغرفة وتنظيف جهاز التكييف واللمبات والأبواب.
الحمامات : بنفس طريقة التنظيف الأسبوعي بالإضافة إلى تنظيف الجدران وتعقيمها وتعقيم الستائر وكافة المرفقات .
ملاحظة : إن التنظيف اليومي يسهل عليك التنظيف الأسبوعي وكما إن التنظيف الأسبوعي يسهل عملية التنظيف الشهري وهكذا .
الصالون : تنظيفها أسبوعيا يسهل على العملية شهريا وبنفس الطريقة .
غرفة الألعاب : من أكثر الغرف اتساخا ولذلك اقوم بتجريد الغرفة من المحتويات البسيطة والألعاب والفرش اقوم بتنظيف الغرفة وتنظيف الجدران والأرضية والباب ايضا وجميع المرفقات وجهاز التكييف وجرد الألعاب وتنظيفها وتعقيمها وغسل الفرش وتعريضه للشمس .
المطبخ : إن المطبخ من أكثر الأماكن المعرضة لتجمع الدهون فتنظيفها يوميا ثم أسبوعيا يسهل عملية تنظيفها شهريا حتى ان بعض المهام تنتهين من انجازها ببساطة وبالإضافة إلى ذلك جرد الخزائن من جميع الأدوات وتنظيفها بالماء والصابون وتعقيمها بـــ ( الديتول ) وإعادة ترتيبها ومسح سقف المطبخ والجدران وإطفاء الكهرباء عن الثلاجات (حتى لا تتلف الأطعمة أقوم
إطفاء ثلاجة واحدة فقط وترك الأطعمة في الثلاجة الأخرى وبعد الانتهاء من الأولى وإعادة تشغيلها اقوم بتنظيف الأخرى ) وطريقة التنظيف تكون بجرد الثلاجة وغسلها جيدا بالماء والصابون
وتنظيف الثنايا والاطراف وغسلها وتنشيفها ثم تعقيمها وإعادة تشغيلها وبعدة ساعة من تشغيلها أضع الأطعمة فيها وكذلك الفرن أشعله لمدة 10 دقائق وأقوم بتنظيفه بسائل تنظيف الفرن وأحركه من مكانه وأنظف الثنايا والأطراف بفرشاة خشنة صغيره لأضمن تنظيفها وبالمثل باب المطبخ .
المخزن : اخرج جميع الحاجيات من المخزن واقوم بغسل الارفف والخزائن والأرضية بالماء والصابون وتنشيفها ثم تعقيمها بــ ( الديتول ) وتنظيف جميع الحاجيات سواء الأطعمة او غيرها وإعادة ترتيبها .
الحديقة : لان أطفالي يلعبون غالبا بالحديقة وبالخص بوقت المساء فأنني اكتشف تجمع أشياء وإغراض لا لزمة لنا بها فأناديهم لرمي تلك الأغراض او وضعها بزاوية إن كانوا بحاجة لها .
ملاحظة : إن حديقة المنزل هي الواجهة لكل منزل وأول مكان يقع عليه العين فيكون الانطباع الأول عنك من حديقة منزلك .
التنظيف النصف أو السنوي : وفي أغلب الأحيان يشمل التنظيف الخارجي للفيلا كاللمبات الحديقة او جدران البيت او الأبواب الخارجية او بعض الأماكن التي تتجمع فيها الأوساخ على المدة الطويل.
منقول
kifach hata ana nchark m3akom balwasafat dyali rah 3andi bazaf
ردحذفسلام ام عبير وصفاء هاني موجودة بادن الله سمحولي على الغياب اوا اش كتعاودو راني غبت ولكن ملي رجعت لقيت الدنيا هي هي ماكاين لا برامج لا اقتراحات لامعلومات عيب عليكم راكم مغربيات زعمة والحداقة تما ههه لي عودة بحول الله
ردحذفالسلام عليكم اخت ام محمد رضا لي الشرف نتكلم معاك انا جديدة معاكم عاد شهر بديت تدخل لبسمة موقع زوين بزاف لكن ما اروعه وهو يحمل بين طياته افكار ليست فقط بذهبية بل هي ماسية افكارك اختي ام محمد رضا قريت الاجزاء كلها لاتبخلي ولا تملي تبارك الله عليك الله يجعلهم في ميزان حسناتك ويحفظ لك ربي وليداتك امين.
ردحذفsalam khwatati ana awel marra kanekteb hna bgit mosa3ada dialkom ana tzewejt hadi 6 chhor o chgol dial darr howa mochkila diali hitt wakha ndiro kif madirto makaye3jebx rajli o rajli kayla7ed bezzaf 3la chgol dial dar dima mdabzin f sba dial chgol
ردحذفakhawati ana 3andi wahed riha khaiba fi dari wakha njafef wnjme3 o walo 3awnoni fink om mohamed rida 3awnini
ردحذفالسلام عليكم فاش علقت البارح نسيت هداك الكاريكاتير والله الة قمة فالروعة قالك كثرة الهم كتضحك اوا شفتو حال ديك السيدة مسكينة شحال خاصها من يد ورجل وعقل باش تدير الشغال والخاطر لكلشي وفالاخير مكاين لي يدير ليها هي الخاطر او تلقى ولو كلمة شكر او دعم نفسي او معنوي اما المادي غير بلا منجبدوه هههه اوا الله اجيب لي يفهما وبلا ما يعطينا
ردحذفsalam ou3alaykom ana siham tanchkor basma 3la had lmaw9i3 rai3 ou llah izid man matalha ana kolchi 3andi balkhafa ou lkhadma mat9ona dima wakhda baravo aham haja lamra tawal rasaha tawil howa kolchi
ردحذفنصائح مني باش الفقاص اجيك مزيان بلا مايتهرس او اتشقق ليك في الفرن تابعي هده الخطوات...
ردحذف1ء لازم تكون العجينة مرخوفة.
2ء ملي يتشكل قطبان نتكوه بشي عود اسنان.
3ءلازم الفران اكون بارد وتكون الحرارة من الاسفل وعلى نار متوسطة الى هادئة
4ألفقاص مخصوش اطيب بزاف لازم نخليوخه ابيض وفنفس الوقت ناشف
5ء الا عندك الفران الكاز كيسخن بسرعة خلي الباب الفرن مفتوح واحد شوية باش ميتشقق ليك الفقاص ملي اكون فالفرن.
6ء ملي اطيب الفقاص نصف طياب خرجيه وغطيه بمنديل شبه مبلل وخليه حتى ابرد ثم يقطع.
7ءملي تحضري الفقاص باللوز واستعملتي حبات اللوز في الوصفة من الاحسن اترطب اللوز في ماء الزهر او ماء لمدة ليلة باش اجي رطب عند التقطيع ولازم نستعملو سكين حاد يعني اكون ماضي.
نتمنى تابعو هذه الخطوات وان شاء الله متبقاوش واحلين في تحضير الفقاص وتستافدو من الاخطاء..
ما كاين ما احسن من الحداكة يا اختي سهام والنفس الحارة تحية لجميع الحادكات كلشي على الحداكة و المرا المعكازة مكيبغيها حتى واحد واخا غير تكون ضيفة عند الناس لانه من بين ادوارها في الحياة لكن يستحسن راجلها يعاونها مرة مرة حيث بعد المرات مكتكون قادرة و لغير المتزوجات من الاحسن تتعلمو الشغل في ديوركم باش يجيكم الامر عادي من بعد و الله يوفق الجميع.
ردحذفشكراااا ام سلمى
ردحذفsalam ana om abdorahman kanchkore bzaf om salma 3la al fa9ase ana likabtehite kanl9a fih mochkil fi t9ta3e chokran bazaf okhti alah yaslah lik wlidatak
ردحذفحرشة حلوة في المقلة ساهلة للفطور او لعشية 2 كيسان سميدة رقيقة 2 معالق زيت 2 معالق سنيدة 1 خميرة 1فاني بيضة شوية ملح كاس حليب ندهن مقلاة مكتلصقش بالزبدة ونرشوها بشوية السميدة نسرحوها في المقلاة ونرش بالسميدة من الفوق وتطيب على عافية مهيلة من الجهتين وبالصحة.
ردحذفsalam lbnat ana jdida m3akom f had l9ism,3jabni lmawdo3 bzaf,ntmana t9abloni m3akom,tahiya lkol l akhwat khasatan OM MOHAMMED REDA
ردحذفالسلام و عليكم هدِ أول مشركة ليا أُ نصحتي هي لفياق بكري بذهب مشري كملي شغلاتك أُ رجعي نعسي هَدْ نصيحة لعزيز عليها نعاسسسسسسسسسسس
ردحذفwariwni kifach n3atr dari bidon mo3atirat istina3iya 3aaaaaaaafako akhawati
ردحذفالسلام عليكم اولا كنبغي نشكر ام عبير تبارك الله عليك وعلى كلامك كيدخل للخاطر وكتباني عند قلب كبير حينت ماشي ساهل نصرحو بمشاعرنا بهاد الطريقة الراقية والدكية وام سلمى وميمو كوكو على مسا همتهم هكاك زعمو وما تبخلو باش هاد القسم ينا فس الاقسام الاخرى ههه وتحياتي لام مصعب وعمران والف مرحبا بيك انت وام عبد الرحمان وما جدولين ونورا وسهام وام اية وبوتشة ياك ههه ولكن اللهم بوتشة ولا والو بحيت وانا نقول اكتبو اسماء باش نعرفو مع من نحن ههه ما فيها والو ملي تكتبي التعليق متنساي الاسم
ردحذفالاخت لي كتسول على الريحة فدارها كنضن اما من ليميديتي او الدار ممهوية او من القوادس والقرقارة كيطلقو الريحة اما قدام او كتدفعي الماء بزاف ونصيحتي القرقارة ديما غلقيها يالميكة باحكام ومن فوقها حطي فاز او محبق دالورد باش تتقل وديال لفابو دالكوزينة او دالغسيل راه الى معندك غلاقتو شريها باش حتى هما تسديهم ملي تسالي من الغسيل او بالليل وتحيدي الشك ومرة فشحال ملي كلشي ينعس كبي فيهم الماء القاطع وتبقاي تحلي الشراجم وحتى الباب مرة مرة خصوصا فاش تقلي الحوت او نهار تطيبي بالحلبة والى كانت ليميديتي عالجيها حينت ديك الرطوبة والغمولية وخى درتي لي درتي كتبقى الريحة وكتكون معروفة من الدخلة كنسمع ديري الجير فشي طبيسلات ووزعيهم تحت السدادر وفالبلاكارات وتحت الدروج وهكا وكاين معطرات منزلية بحال تبخري باداد او الشيح او العرعار او الفاني او قشور الحامض والليمون فالجزء الاول كاينة طريقتهم او ممكن غير تتبخيهم مدة وداك البخار كيعطر وكاين الشمع كيتباع معطر او انت ديريه ساهل دوبي شمع عادي وزيدي عليه شي ريحة مجهدة اوالمسك او الارواح ماشي د بسم الله الرحمان الرحيم ههه وانما بحال دالورد او الحامض اواو وخويه وهو سخون فاي قالب ومتنساي الفتيلة ودائما نضفي المرحاض والمطبخ ومتخلي الازبال تتراكم كل نهار نرمي القمامة اوا وخلاص المعطرات الصناعية هي الساهلة نكدب عليك انا هي لي كندير ولكن غير للمرحاض حشاك لي خرج اتشتش ههه وملي نجفف غالبا باتشي واوني ونهار ندوز الشيفون كندير الماء مخلط بدوسي او بماكسيس دبا عندي بالبخور مخير وفالاخير فكل بلاصة من الدار ندير قطرات من واحد البرودوي اسمو كوتا كوتا بالفرنسية يعني نقطة نقطة كاين برائحة الورد والحامض ووحدة بالاخضر واش ازير ولا الصنوبر مبقيت عاقلة مخير كاين فمحلات التنضيف كيدير 360 ريال قريعات دالبلاستيك صغار هدا توضيح للبنات لي مكيعرفوه
ردحذفبالنسبة للاخت لي عاد تزوجات هادي 6 شهور اش نقول ليك هاد الراجل زعمة عاد تزوجتو واكيد باقة صغيرة وجيتي من المدرسة نيشان يعني لازم اصبر معاك ويدللك ويعاونك وكيف ما درتيها يقبل عليها راه مراكيش شميشة او كنت خدامة فالديور او تزاديتي معلمة راه كلشي كيجي مع الوقت والتدريب والتعلم ولكن بالي نكار وميعجبو العجب او كان زوفري مدة طويلة او جاء من شي بيت وام متولين وحادقين وكاين حتى العكس ويبغي اتفشش على مراتو و نصيحتي سايسي معاه وقلبيها ضحك وقوليه دبا نتعلم ونعجبك المهم قولي اش لي كيغلبك ونعاونوك اما غسيل الاواني والتصبين والجفاف كنضن ساهلين وخى كلا وتصبينو وغسيلو ههه كاين ليي من ورا شغلو خاصكي تعاودي اوا هدا كيبقى كلا وعرفو وعلاش تربى كاين لي كيدوز غير من الفوق وصافي وكاين لي مجبد الغابرة قبل الباينة ميرتاح ههه المهم فرحي براسك وكوني بشوشة ومطلوقة ولحلاحة ونسيه غالشغل وميجي منو يولي يقول ليك كلشي هو هداك غير قربي مني هههههه
ردحذفسلام مجدولين اولا واخيرا ننصحك بالتقرب الى الله عز وجل بالصلاة فوقتها وقراءة القران هاد العياء والكسل لي كتحسي بيه بحال اعراض بلا منقول اكتئاب وانما ممكن نردوها للعين وراه العين حق باش تتعالجي ديري رقية شرعية غير بوحدك بالادكار و سور الفاتحة واية الكرسي واخر سورة البقرة و الاخلاص والمعودتين اوا عاد نجيو للفياق بكري ديري لي يدار من فطور وغداء وتصبين ومتخلي شي يتراكم على شي وفالعشية نعسي ملي تفيقي تاني ديري لي يدار بحال الكوتي والعشا وتجمعي لي يتجمع باش فالصباح متلقايش الروينة دالبارح وتزديها داليوم وتوحلي وبنتك الى باقة صغيرة ولفيها الارض او الى كنت قادة فالضهر المهم كلشي كيجي غير بترتيب الوقت ونسبقو الاولويات ماشي نوخر اش ندير للغداء ونسبق الصابون او الراجل غيجي من الخدمة خاصو يلقى الغدا بارد ومقاد يلقى المرجة والى يبغي يحط راسو يرتاح تبقاي تقرقبي فالاواني والسطل والجفاف ههه كل حاجة بوقتها المهم الحل فالتاويل الله يعاونا ويسر لينا البركة ف الوقت والصحة والرزق
ردحذفشكرا اختي ام محمد رضا على كلماتك الرقيقة من بعض ما عندك وراك نورتي من جديد الله يعطيك الصحة نتمنى نعرف سنك انا عندي 36 سنة.
ردحذفبالنسبة لكل زوجة جديدة "بارك الله لكما و بارك عليكما و جمع بينكما في خير" غالبا متتكون السنة الاولى من الزواج سنة تعارف من نوع جديد كل واحد كيكتشف الطباع الحقيقية للطرف الاخر و الزوجة الذكية هي لي كتسجل كل ملاحظة من زوجها و تحاول تخلق برنامج لحياتها يتماشى مع طباع و رغبات الزوج طبعا في حدود المعقول ماشي تلغي شخصيتها تحاول تكون معتدلة المهممنكونش نكدية و تخلق جو زوين و تقلبها ضحك كيفما قالت ام محمد رضا وننعامل مع راجلها كصديق وتعيش حلاة الزواج قبل مجيء الاولاد وراه مايكون غير الخير باذن الله.
ردحذفchokran 3la nsaih om mohamed rida njarb hadchi 3lah twali riht dari zwina
ردحذفسلام الله عليكم. انا اول مرة نشارك معاكم مع اني من المتبعين للوصفات والحمد لله اللي جربتها كتصدق.انا مزوجة دابا عامين مكاملينش وان شاء الله كنتاضرو مولود بعد شهر وتص.المشكلة اللي عندي هي مع راجلي صعيب بزاف وقبيح.الحمد لله عندي الطياب مزيان ومعنديش مشكلة في التنظيف حاليا.ولكن ميشكلتي معاه ملي كنوض مكعرف اش يخرج من فمو وكتوصل بيه بعض المرات حتى للضرب.وكترض عزائي لله وتبقى نستغفر مكنرضش عليه.ولكن تنبقى شادة فخاطري ونبكي غير بحدي.وهاد الايام زاد فيه بزاف حيت قاطع الكارو وللى غير على سبة واخا كاع متكون يديرها.دعيو الله يجازيكم بخير ونصحوني كفاش ندير معاه
ردحذفana min nghsal lma3n kanb9a ndandan kansali ala nbi hta nsali fissa3 wla ndir musique amdah wla radio fih brnamj dyal wasafat
ردحذفana min nghsal lma3n kanb9a ndandan kansali ala nbi w kanl9a rassi fissa3 jma3thom wla kandir amdah f pc wla radio chi brnamj wasafat
ردحذفwach nti bouchra dial said haji oum aya
حذفsalam om mohamad rida kanchokrak bazaf trahab bik jana on3aymha
ردحذفchofi akhti natij b9iti fiya obazaf alah yabadal sa3a bmahsan rasbri akhti allah taychof o sbare sid nase ilamakan sbare makayn walo khososan daba katsanay had almawlod ala yatla9e srahak bkhire widakhlo 3alik blhna wasa3ada inchaa allah
السسلام ام رضا شكرا على النصائح القيمة الله يجعلها في ميزان حسناتك اناجدديدة في االمنتدى انشاء الله نفيددكم بتجاربي البسيطة
ردحذفTbarkllah 3likom
ردحذفtbarkellah 3likoum kamlin.allah y3tikoum sa7a. ana Khadija 19ans yallah mzewja hadi 5 moi we bghitkoum tfidoni rana meghlouba m3a tyab 7it ana makontch kandir hta haja fdarna mama mkelfa. we daba f dari 7salt . hit mankan3rafch ntayeb mezyan we koul nhar kanb9a nfekkar chono ntayeb we kifach.lhamdollah lli kina enternet. ana bghitkoum te3tiwni barnamaj osbou3i chono ntayeb g
ردحذفsalam labas 3likom alhadgat tbarklah 3likom hta ana bkhit nkon hadga bifadlkom olokht om mouhammed rida labas 3lik raki mnawra rani dima kanbri nktab walakin kan3gaz 3andi khti sakna hta hiya fi la3youn bkhit nsawalkom ana yalah chrit fran dyal doe walakin masd9atch liya lhalwa kant kanswbha fi l3adi okatji zwina wlah ila 3asbatni dartha 3la darrajar 180 moudat 45 minut mjatch hiya hadik 3afakom golo liya kif katybohantoma jazakom alah kol khyir om iyaas
ردحذفسلام ام عبير ياك قريتي اجزاء قسم التاويل راه البنات سولوني على السن وقلت 36 يعني بحالك ههه غير انت تزوجت قبل مني ههه ولكن حتى انت باينة ثقافتك واسعة وفهمتك وخى عاد بديتي ههه انت باك بحالي او جامعية وشحال عندك دالوليدات الله اخليهم ليك اما ديك الاغنية دماهر زين راه جابت المفيد ههه وهي البركة الله انعم علينا بها الله فكل نواحي حياتنا وبلا بها ميكون والو اما الاخت نانح اش نقول ليك الله اصاوب ليك وخلاص حينت فنضري اي مشكل مكيسوا والو من غير الصحة طبعا قدام هم الراجل كيف ما بغا يكون هاد الهم حينت الراجل المحب والحنون ولي كيكبر بيك ومكتباني ليه غير انت مبتغى اي سيدة وكترفع ليها المعنويات رغم كل الضروف بغيت نسولك واش من نهارو هكا ولا عاد وحتى انت يكما مكتفهيه او مامهلية فراسك وفيه راه مكاين غير الطياب والتنضيف والراجل الى عمرتي ليه عقلو وقلبو كاع مكيهمو الشي لاخر او يكما انت مقلقة او مغوبشة او مكتضحكي بزاف وزيد وزيد داكشي علاش ما مزيان نتدخلو مابين الازواج حينت كل واحد كيدكر السلبيات دالاخر وكيتناسى دنفسو و حينت مع شي وحدين وباش نرتاحو ونريحوهم خاصكي انت تخلقي جو مريح بكل الوسائل ومنها حتى الكدب والتمثيل وما عيب او حرام ما دام فالمصلحة وانا مبغيتش نلومك ولكن علاش مكتردي عليه يمكن حينت مكتفشيه او شاف جناحك مكسور داكشي علاش زاد فيه المهم باب الصبر مزيان لي قد عليه ولكن ماشي نصبر ونبكي ونقهر راسي وانما الصبر الحقيقي هو الرضا بالنصيب والتفاؤل وتمني الخير بشخصية قوية ماشي سلبية وحرام عليه يتقي فيك الله غير على ود انك واحلة فراسك وعلاه مالو ما عندو حتى شي لحضات من الصفاء يمكن ليك تستغليهم بدلالك وحنانك وحتلى بدموعك علاش تخبيهم بالعكس بكي قدامو وقوليه عيب عليك اتقى فيا الله وراني حبيبتك وغنولد ليك ولي العهد واش ما عاجبك فيا حتى كتتعامل معايا هكا وعلاش منبداو صفحة جديدة ونتصالحو مع انفسنا باش نستقبلو ولدنا فبيت فيه جو من السلام والطنئنينة هاد الشي كلو وما تفرطي فالدعاء والصلاة والقران والله افرج عليك وعلى باقي الاخوات
ردحذفنرجعو للدة ههه كندير الحرشة بحال ام عبير غير ممكن نعجنها بالماء او الحليب او اللبن او معالق من نيدو وننسمها بفاني او اازعتر وتكون مرخوفة وفوق هداك باش كنلوح الخبر فالفران ندردر كمية كبيرة من السميد باش متلصق ونحط العجين بلا منكورو انما نعطيه شكل بحال كرة وندردر السميد منساويه بالدلاك بعناية ونعطيه شكل دايري ونقاد بيدي بسهولة ورفق نديرها فمقلة الثقيلة دالبطبوط والنار مهيلة ملي نحس بها طابت نقلبها على الجهة الاخرى او نقطها دوائر بالكاس ولي شاط نزيد ليه شوية دالماء ونعاود نشكلو
ردحذفبالنسبة للعشاء لي كتعجبو مطيشة بالبيض فرائي مكتجيش فيه البصلة وانما نشحر كمية من الطماطم محكوكة مع دالحك والثوم والربيع والملح والابزار والكامون والزيت البلدية وكاس ماء مزيان حتى تنشف وممكن نطرب البيض او نضيف بالوحدة نفقسها ونحطها على شكلها على حساب عدد الافراد ونفس الطريقة حتى للبيض بالجلبانة دبا موجودة رقدو فالقراعي او ديرو بلاستيكات فردية فالفريكو ههه
ردحذفبالنسبة لمطيشة دالبيتزا بلا منحك ونبزر ونشحر وكتتطلب كمية وانما حبة او 2 نقطعم عشوائيا بالقشرة مع الملح ومعلقة دالحك او غيير التحميرة ونطيبهم فشوي دالماء مدة بسيطة ملي تبرد نطحنها ونصفي انا واش بغيتها خاترة او جارية
ردحذفعجينة البيتزا دقيق الفورص شوية دالسميدة الرقيقة خميرة معجونة ملح سكر شوية دالزبدة او مثلثات من الفرماج او هما معا شوية دالزيت البلدية ونسم بكنور الحوت او الزعتر او كامون وابزار ونعجنها بالماء او الحليب او اللبن او معالق نيدو وممكن الى شاط شوي من اي منهم ونكمل بالماء على حساب والموجود
ردحذفعجينة لي وليت معتمداها فالبيتزا ساهلة فقصعة ندير كاس ماء او حليب او لبن او كاس من الحاجة يعني ولاو عندي 3 الكيسان من السوائل وكاس من الفورص ونص كاس زيت بلدية وشوية دالزبدة او الفرماج مثلث مع الملح وملعقة سنيدة وخميرة معجونة والتنسيمة لي بغيت وندلكها باش تنسجم بحال البغرير وممكن نضربهم فالخلاط ولكن باش ننقصو من الروينة فالقصعة وصافي ههه ونخلها شي 10 او 15 دقيقة حتى يبانو فيها الفقاعات ونزيد ليه الدقيق الكافي باش تتجمع ونخليها شوي مرخوفة راه السر عموما فالعجين هو يكون مرخوف ماشي مدقس ههه ونغطيه شي 10 او 15 دقيقة ونقسمها كويرات ملي يترخفو نطلق بالمدلك اما نديرها دوائر كبار ونثقبها بالشوكة ونعمرها نيشان وندخلها لفرن سخووووون دا هو سرها او نطيبها نص طيبة عاد نعمرها او نقطعها بالكاس لدوائر صغار على حساب الفريكو
ردحذفبالنسبة للسر باش اجي الكسكس مزيان من اللحم او دجاج ويكون كثييير هه وخضر مشكلة ف اسفي يعني عبدة عند حماتي سكسو ديالهم رائع عرفتو كنقيو الخضرة قد داكشي باش ندوز انا السيمانة او اكثر ههه حمص فول لفت اصفر وابيض وخيزو ودنجال صغير يتفلح من الفوق والسلاوي والقرعة الحمراء والخضراء وديك المكركبة والبصل ومطيشة والربيع مقبط والبطاطا للاولاد ههه والزبيب والسمن و هاد الخضرة منها 4 او 3 الحبات يعني بانيو غير خضرة ههه
ردحذفبالنسبة للطاجين سواء ب اللحم او الدجاج كنضن السر فالعطرية من الاحسن نجيبها حبوب ونطحنها افالدار او عند العطار مثلا البزار والقرفة وسكنجبير يتنقاو ويتطحنو اما الكامون يتغسل ويتنقى ويتطحن اما الخرقوم يتمسح ويتقلى فالزيت ويبرد ويتطحن ومن الاحسن نزيدو حتى المروزية ولكن لي كيعرف اجمعها ماشي ديك لي كيبيعو العطارة مطحونة راه عيانة وممكن نعوضوها بقزبور يابس حتى هو يتغسل ويتنقى ويتطحن مع البسيبيسة كدلك كتطحن
ردحذفشميتة
ردحذفالسلام على لعيالات زويونات هادي اول مشاركة عندي فهاد القسم نتمنى تقبلوني معاكم
سبحان الله اختي ام محمد رضا حسيت اننا من نفس العمر و ربما قريت سنك من قبل و نسيت. منقولش ليك على النسيان اشنو داير فيا خصوصا بعد الولادة الاخيرة. انا باك+2+عام في الجامعة عندي بنت و2 اولاد خدمت 4 سنينو سمحت في خدمتي حيث مرضت مرضة خايبة بعد الولادة 2 وتقريبا 10 سنين و انا ربة بيت ودابا كنفكر نخدم من جديد بسبب ضائقة مادية وشي كريديات الله يفرج علينا و على كافة المسلمين واخا الصحة مبقات كيفما كانت الحمد لله على كل حال.
ردحذفبالنسبة لعجينة البيتزا انا كندير فورص + شوية فينو + سنيدة + زيت رومي او بلدي + خميرة معجونة نغطيها نخليها تخمر و تكون مرخوفة ثم نسرحها كلها في الطاوة او نقطعها دوائر صغيرة ونعمرها والى الفرن والتنسيمة كنديرها في مطيشة.
ردحذفبالنسبة للعطرية المطحونة كلها غير تراب في تراب مافيها بنة غير خسران لفلوس انا كناخد رابعة ابزار 20 درهم رابعة خرقوم 15 درهم رابعة سكينجبير 15 درهم نص رابعة كمون12 درهم و 10 دراهم تحميرة و الخرقوم كنطحنو مباشرة بدون منقليه و المروزية مهمة لاعطاء اللدة للطياب كيجمع لي العطار 15 درهم و كيطحنها ديري غير شوية منها + 8 دراهم ثومة + الملح هي 100 درهم كننسى العطرية واحد شهرين او 3 يعني اقتصادية مقارنة مع كل مرة شوية لا بنة لا بركة المهم تكون في القراعي من الزجاج.
ردحذفkhti l3jina dyal pizza fiha ghir t7in we lmel7 we zayt azaytoun we l khmira safi ghir khesha tekhmar wahad sa3a we katji wa3ra hadi dyal talyan.
ردحذفالسلام عليكم انا ام محمد من الرباط كنبلغ من العمر30 سنة كنعمل كماطرة لمحو الامية بالمساجد بالنسبة لعجين البيتزا كندير 1/4 الطحين الفورص+1م الزبدة+3 لفرماج مثاث +شوية الزعتر +الخميرة المعجونة +1م ك نيدو والماء باش نجمع العجينة و الزيت البلدية تقريبا 1/4 كاس وكندلكها مزيان ونخليها ترتاح في بلاستيكة عاد نشكلها
ردحذفSalamo3likom alhadgat lah yerham likom lwalidin Li 3andha Chi wasfa aw tajriba dial namos o chniwla raha klatna ana o wladi 3andi drari srar katakolhom fi lil wkifiko liya Men n3as wybdaw yebkiw dert lhamed m3a lkronfol o walo dert hadak lproduit Li kayjdem bi do walo 3afakom Li 3andha Chi hal te3takni bih rah makatjalich wladi yna3so lah yefarehkon wey3awenkom 3la hdagetkom ojtokom Men España
ردحذفالسلام اختي ديري النعناع حدى الوسادة ديالهم راه كيجري على ا لناموس
حذفالسلام اختي بالنسبة للناموس دائما خاصك تحافظ علىنظافة البيت والتسياق بجافيل الحل هو ديري الغرس ديال الحبق راه مكيخليش الناموس بالاضافة الى الستائر الله يحفظ ليك وليداتك
ردحذفsalamo alaikom maw9i3 basma walllit modmina 3lih brit nsawal lakhawat 3la larmoula ila kant falhwaige lli fihom alwan achno ndiro bach nhaydoha llahijazikom bikhair l
ردحذفسلام عليكم شكرا اختي ام رضا انا كنبخر داري ب المسكة الحرة رااائعة تنشعل الكاغط ديال البيض ونديرو ف المجيمر صغير ونخليه تايمشي منو دخان وتنلوح المسكة الحرة اما الي عندو الغمولة هدا حل نهااائي ليها تندير جافيل ف رشاشة وندير على فمي كمامة ونرش الحيط الي فيه الغمولة كاامل ونحل شراجم وتنخليه ينشف وتنخرج منين تنرجع تايكون الحيط جديد بحال عاد صبغتو والي فيها الحساسية من الاحسن طلب شي واحد يديرو ليها ومن بعد كنبخر دار بالمسكة واللله روعة العام كامل مجاتنيش الغمولة ومن الاحسن تبقاي تحلي شراجم كل يوم باش تهوا ليك دار وتمسحي شراجم الى فيهم ندى والله يجازي هاد المراة لي ختارعات هاد الحل كانت قاتلاني ريحت الغمولة وعقداني تاقريتها فواحد الموقع وجربتها روووعة ونصحكم تعمم هاد الخير
ردحذفالسلام عليكم شكرا اختي mimo koko على نصيحة المسكة الحرة اول مرة نسمعها تبارك الله عليك و غنجربها ان شاء الله اما جافيل فكيبقى دائما احسن منظف على الاطلاق .
ردحذفسلام ام عبير كيفك حبيبتي ياك الا الخير بادن الله يا اختي الله افرج عليكم ويجعل ليكم مخرج من عنده يا اختي الصحة كاع عندنا قليلة والحمد لله مني كنت كنسمع بلي كيقول كنبات مع الميتين ونصبح مع الحيين ههه ومكنفهم معناه حتى لواحد عامين هادي عاد فهمت المقصود منو ههه الى جيتي كلشي مدكدك ونشكي والى مشت ندوز على راسي وندير التحاليل كيقولو كلشي مزيان وما عندك والو كنردها انا امكن غير لقلة الشغل والراحة ههه يا اختي ننصحك جلسي فدارك وقابلي وليداتك احسن والله دبا يفرج من عندو اما تزيدي الخدمة على مسوولية البيت والاولاد والمرض غادي تتهلكي اللهم اقتصدي شوي وديري برنامج شوي زيري ونقصي من الكماليات حتى تنفرج الازمة يا اختي ساهل نقول زير ومع هاد الوقت الله استر مابقات بركة ولي شفناها بغيناها ولكن راه الضروف كتحكم الله اصاوب من عندو اما النسيان منقولك حتى انا وكنضن كاع لي كنعرف اش داير لينا جانا الزهايمر قبل الوقت ههه
ردحذفسلام كريستينا بالنسبة للناموس جربي تدهني بالخل وسبحان الله شي وليدات كيقرصهم من دون الاخرين بحال اولادي مساكن كيف كيوليو من لي نسافرو للعروبية
ردحذفسلام ام الياس الله احفضك هدا نور قلبك يا اختي واش انت لي من فاس ولي راجلها غايب وبغيتي تديري الخمار او شي ام اخرى اوا ملي اختك فالعيون خاصك تجي تزوريها مرحبا بيك ف الصحراء راها تعجبك وخى البعد تستاهل تجي ليها اما فران الضوء راه مكتجي فيه الحلوى وانما الكيك والحوت كيصرعهم انا عندي ايتيمات كان كيقسح لي الخبز على شحال باش عرفت سرو وهي تسخنيه من قبل وتطيبيه على درجة 240 ولكن كيفقص الى عند ك الزايد او لي بحالي كنبغي الخبيزات صغار عليها عوضتو بفران البوطة كبير مخير كنلوح 4 خبيزات صغار دقة وحدة فدقة اطيب ويجي رطب ا ما دالضوء خليتو غير للحوت او الى تقضات البوطة
ردحذفالبنات باش نجاوبو خديجة لي عاد تزوجات ونعاونوها فبرنامج للطياب الى بغيتو كل وحدة منكطم تكتب لينا كيف كتحضر الطاجين والكسكس والحريرة وكلشي يعني العشا والغدا مع الطريقة
ردحذفسلام خديجة بالنسبة للغداء اما ديري طاجين باللحم او الدجاج او الحوت وكاين يوم للكسكس واخر لقلي الحوت او فالفران ويوم للقطاني يعني نوعي كل يوم حاجة وفالعشاء اما صوبة او حريرة او سباكتي او روز او بيتزا يعني عطا الله الخير خاص غير الرزق والخاطر ههه
ردحذفشكرا للاخوات كاملين وخاص بام رضا انا كنعرض عليك صداقتي ونتمنى نكونوا اصدقاء في الدنيا و في الجنة انشاء الله شكر ليك مجددا وقولي لي اشنو سر هاد المعلومات ماشاء الله غير كنضحك الله يوفقك ادا احب الله شخصا يسر كل اموره الله يسرها على الجميع نتمني تجاوبني علي طريقة البريوات بالدجاج يكونو ساهلين وينفعوا كمقبلات في رمضان اللهم بلغنا رمضان و السلام
ردحذفSalamo3alaikom alhadgat lah yehfadkom kamlin wyhfad wllidatkom Chokran l2ajawat Li jawboni 3la mochkil namos radi njarab hadchi Li golto liya wlkamal 3la rbi lhbib
ردحذفوالله مكدبتي اختي الصحة ولات مسالية باين لي 36 سنة ديال دابا هي 66 ديال زمان ههه يمكن شرفنا يا ام محمد رضا ههه ولكن بالنسبة لي رغم كل ضغوطات الحياة و المشاكل لي دازت علي دائما كنحس انني مزال بنيتة صغيرة لدرجة ان بنتي كتقول لي انت صغيرة باش تكوني ماما خاصك تكوني اختي ووحدة من خالاتي تكون ماما عندها 11 عام و رغم انني مكنباتش صغيرة. الله يكبرنا على طاعة الله اما فيما يخص الخدمة رغم انني محتاجاها حاليا مزال مقدرت ناخد القرار على ود وليداتي مدة طويلة باش خرجت من الخدمة ولفوني معاهم في الدار الله يدير لي فيها الخير لجميع المسلمين.
ردحذفsalmw3likom li kolllll akhwat bedon setitenae.akhti om mohammed red 3afk ila matgolile ser bestelt dejaje beche tesd9li katjni fazga men dakhl.o sem7li ma3ndch arbiya fe mobil chuuuukran..asmae
ردحذف
ردحذفالسلام الاخت أم محمد رضا تبارك الله عليك الأخت
عافاك طريقتك في تحضير اللوبيا ديال القطاني تقبلي فائق احترامي وتقديري.
Salam lhadgat ana ikram min belgique ohta ana bghit nwli hadga bhlkom hhhh obghit t3awnoni bhal daba kayjio diyaf ola l3ila 3la ghfla ob3d lmrat makykon 3ndi walo manhtlihom maknbghich nht lihom les biscuits dial lmagasin kanbghi nht chihja thmr lojh , bghit t3tiwni lwasafat bhal chihja tkon flmojmid briwat ola hliwat ana 3arfa ght3tioni aliktirahat ochokran likom
ردحذفChokran lik okhti mimo koo 3ala fikrat maska hora ana kn3ani mlmchkil
ردحذف3awnoni akhwatati had chhar 6 3id milad rajli la3ziz ohadi mara 2 lighanhtafl bih ohna mzawjin rani talfa 9tarho3liya chi torta zwina liana lmochkil li3andi fcozinti m3a lmadlin kima drtlo mkynaghmnich lah yjazikom blkhir
ردحذفSalam okhti lhabiba om mohamed rida tahiya islamiya mina l9alb laki okhti kaya3jabni klamk ana kbart bohdi maknch 3andi khoutii walakhwatati ghi ana odaba tzwjt ha 2ans khalit ma bohdha saraha msskhitchbiha hit knt kolchii sahbti okhti okolchi maalibadit na9ra hadartak kanhask bhal okht kobra afta9idoha
ردحذفom mohamed rida labas 3lik rah ghikandir dawra wndkhol nchof wach katba ljadid kai3jboni nasaihk iwa fink fidina
ردحذفiwa khti 36 sana raki mazala sghira tbarklah elah yhafdek ahbiba
om aya
سلام عليكم بنات انا اسمي مريم انقترح على الاخت الي بغات اللوبيا انا تنشري كمية شوية كثيرة ديال اللوبيا وتنبيتها فالماء ليلة كاملة ونصفيها وتنعبر مثلا 400 غرام ف كل ميكة وتانديرها فالمجمدومنين تاترشق لي تاتكون واجدة خاصني غير نطيبها وبصراحة تتعجب كل صحباتي . هانتي تاتشدي اللوبيا من بعد المراحل السابقة وديريها فالكوكوت وتزيدي عليها التومة محكوكة والقزبر ومعدنوس مقطعين وصلصة ديال مطيشة ولا ماعندكش حكي شي ماطيشات حمرين و الحامض مصير شوية و نص معلقة القرفة والابزار والسكنجبير وتحميرة والكامون والملحة وزيت البلدية ودير الماء ماتكتريش الماء باش تجي واقفة ومتقلليهش حيت مغاطيبش ليك وسدي عليها وحسبي ليها منين تصفر نصف ساعة وهاهي واجدة ممممممممم ودعي مع راجلي بشي خدمة ههه
ردحذفشكرا مريم علي طريقة اللوبيا واش نديرها فالكوكوط جامدة .الله يسهل على راجلك في خدمة انشاء الله في القريب العاجل ويحفضولك ويخليهلك آمين يا رب العالمين. وشكرا الحبيبة ديالي حيت جاوبتيني.ام .مقمر
حذفلا شكر على واجب ام عبير و ام ياسين جربوها وغادي تعجبكم كيفما عجباتني خديتها من واحد صاحبتي من سيدي افني وليت كل شوي تنبخر بيها خصووصا منين تاندير الحوت والى بغاو يجيو عندي الناس وفي الاعياد
ردحذفسلام اخت مريم اللوبيا لي فيها الحامض مصير و كتعجب صحاباتك ضروري ان شاء الله منديرها حيث عمري مدرتو فبها و سبحان الله اللوبيا فيها نكهة و مداق مميز مقارنة مع باقي القطاني والله يسر لراجلك الخدمة لي كيتمنى ان شاء الله.
ردحذفالسلام عليكم ورحمة الله تعالى وبركاته جمعة مباركة بادن الرحمان على كل الاخوات الكريمات بدون استثناء احبكم فالله والله امتعكم بدوام الصحة والهناء والرزق الحلال الا بدكر الله تطنئن القلوب نقول جميها
ردحذفاللهم بك اصبحنا وبك امسينا وبك نحيا وبك نموت واليك النشور
اللهم انت ربي لا اله الا انت خلقتني وانا على عهدك ووعدك ما استطعت اعود بك من شر ما صنعت ابوء لك بنعمتك علي وابوء بدنبي فاغفر لي فانه لا يغفر الدنوب الا انت
رضيت بالله ربا وبسيدنا محمد نبيا ورسولا وبالاسلام دينا
سبحان الله وبحمده سبحان الله العضيم عدد خلقه ورضا نفسه وزنة عرشه ومداد كلماته
اصبحنا على فطرة الاسلام وعلى كلمة الاخلاص وعلى دين نبيينا وسيدنا محمد صلى الله عليه وسلم وعلى ملة ابينا ابراهيم حنيفا مسلما وما كان من المشركين
اللهم عافني في بدني اللهم عافني في سمعي اللهم عافني في بصري لا اله الا انت اللهم اني اعود بك من الكفر والفقر واعود بك من عداب القبر لا اله الا انت
اخواتي فالله اوصيكم واوصي نفسي بالصدقة مرة مرة نفتحو الماريوات والبلاكارات والثلاجة والفريكو والمجور وكل اماكن التخزين عندنا فالبيت اولا لشكر الله تعالى على نعمه من ملابس واحدية واكسسوارات وتفاهات ههه وخضر وفواكه ولحوم وسلع وضروريات وكماليات وشري وحط وسطوك على السطوك عند شي وحدين الله استر ههه تبقى عندو الحاجة حتى تفسد وما يستافد منها ما يصدقها ثانيا ضروري مغتلقاي شحال من حاجة ما بقات تناسبك او غير معمرا بها البلاصة واكيد كاين لي محتاجها وممكن اكون قريب منك وانت غافل عنه يا اخواتي انا كيعجبني نشري وملي نبغي نلبس ما نعرف ما نلبس ههه جيتي نخسر بزاف دالفلوس فماركات ماشي سينييي ههه ولكن ممتازة من حيت الحوايج او الماكياج ولكن حالتي ماباين عليا والو ههه اش خلاتها واحد السيدة العيب ماشي فالثوب او الخياط العيب فينا ههه المهم من هاد الشي بلا ما نشكر راسي او نمن على سيدي ربي كنحب نعطي ودائما ملي نطوي الماروات ندير وقفة ونجبد ونعطي وكاين الله استر لي باقي محتافض على حوايج العرس د 20 عام مالك يا اختي اعطي والله كيعوض ولي ما لقا ما يعطي يتصدق بكلمة طيبة يعني اقول خير او يصمت واحنا النساء قليل فينا لي كتلتزم الصمت ههه ما كاين غير بلا بلا بلا هههه مني انا وجبد ههه
ردحذفنجي دبا للغالية ام عبير انا نكدب عليك ما عنديش الاحساس بالشرف ههه بالعكس يا الله كنعيش ازهى ايامي مع زوجي الحبيب وابنائي الاعزاء كنضن كتحس بالشرف لي تزوجااات مدة كبيرة وومحرومة من الجانب الروحي فعلاقتها بالزوج حينت كيف ما قلت اهم مشكل ممكن اصيب او اقتل المراة هو هم الزوج بكل المقاييس ونجيو للعمل ما لكي متديري شي شغل من البيت بحال شي صنعة او الحلوى او هاد الشي داوريفلام راني كنعرف سيدات كافين ريوسهم واولادهم من بحال هكا ولكن الصنعة والتجارة عموما قد ما بغات تكون كتبغي الدراع والصبر والكلمة الطيبة يعني الواحد يكون بفمو اما الى كنتي بحال راني غير فالكتابي كنزعم اش خلاها راجلي اوا الكتابي قهرتينا بيه ههه اوا الشفاهي الله اجيب ههه على ود المساجات كيف ما شرحت فالجزء السابق انها عندها سحر خاص احسن من المكالمة ههه وهنا ما يفوتني نشكر ام اية ونقول ليها ايه والله ما كدبت ايه باااقة صغيرة ههه كيف ما قلت فالجزء السابق مكنحس بالعمر حتى لعيد الميلاد عاد كنبدا نحسب فالسنوات ههه ولكن كنختزلهم ف3 الشميعات ههه غير هو الله اكبرنا على طاعة الله ورسوله
ردحذفسلام ام محمد مرحبا بعراضتك ومتشرفا بيك واهلا وسهلا بيك يا وني ههه راني فتعليقك الاول اثار انتباهي انك مؤطرة فالمسجد قلت الله جاب لينا الله سيدة عارفة انا النيت محتاجة انني نسول على الكثير من الامور من قبيل كيفاش كتحضرو الدروس او منين كتجيبو الخاطر لكل وحدة مقبلة على العلم واملي انا اني نتعارف مع اخوات ادعموني للسير بالجانب الديني قدما ونلبس الخمار ونحفض القران مع غير بوحدي معنديش صديقات لي يدعموني ويشجعوني وعمايل الشيطان صافي حتى كنحفض شوي ونتكاسل ولكن انت فالامية ورغم دلك سعداتك انت محضوضة الله اعطاك رزق كبير عرفتي ان الله يسر ليك تعلمي شي حد راه هاديك الدنيا وما فيها داعشاك تعلمي ناس امين وتبارك الله عليهم وعلى مجهودهم ومنهم امي انسانة امية ولكن هادي سنوات باش متبعة دروس الامية والقران فالمسجد ما شاء الله عليها شحال حافضة دائما ملي نتكلم معاها تبقا تخاصمني عل تخادلي وكسلي المهم الله انورك وينورنا وكل الاخوات بنور العلم والايمان يارب انا لي الشرف اني نسمع كل هاد الكلام الطيب من كل البنات العزيزات والله الى اعطيتوني قيمة كبير ة وانا منستاهلهاش انا اصغر من اي وحدة فيكم بالعكس انا انسانة جد عادية وعرفي بسيط مقارنة مع الكثير من الاخوات انا فاش كنقرا بعض التعليقات ديال شي اخوات مكيعجبهم العجب وكيدرو روسهم فاهمين اكثر كنقول مع راسي كيفاش مكيتجرؤو ويقولو لي انا كل هاد الشي لي كتعرفي احنا كنعرفو احسن منو ولكن الفرق لي عندي انا ماشي بخيلة لا فاحساسي او فعطائي وكنحب ديما نسول ونعرف ونتقاسم المعرفة مع الاخرين واهم شئ هو اني صادقة مع نفسي ومع الاخرين ما عنديش غير نيشان من اول يوم كتبت وانا ام محمد رضا فكل الاقسام لي كنساهم فيها وكنعبر على رائي ممكن نصيب وممكن نخيب ولكن باش نسلك راسي كنكتب ديك تقبلو مروري او احترامي ههه كتكون سد منيع حدا اي وحدة بغات تتهجم ههه كتحشم وترجع اللور
ردحذفSalam albnat majawbtonich ana ikram min belgique
ردحذفسلام اسماء الى كتتكلمي على البسطيلة بحال دالاعراس لي فيها طبقة من البيض طايب فالدغميرة وطبقة من دجاج مفرتت وطبقة من اللوز والسكر يا اختي ما نكدب عليك ما عمرني درتها ولكن دقتها مكتعجبني على ود مخلطين الحلو والمالح وانما عندي طريقتي وهي الى غير انا واولادي ممكن نديرها بشوي دالكفتة او الكبدة او سدر الدجاج والخضر من خيزو وقرعة خضراء وفلافل ملونة والشعرية الصينية وشمبيميون معلب المهم نحلق عليها من هنا ولهيه باش نسلك للعشا ههه واحيانا كنخلط حتى لي شاط لي من دجاج محمر او حوت الفران غير هبرة طبعا ونزيد عليها سدر الدجاج او الكلمار على فكرة جيبوه بكمية كثيرة وبلا ميتغسل ديري بالحبات انت وشحال بغيتي فالمجمد راه مكيفسد وخى يبقة حتى 6 اشهر ماشي بحال الحوت من الاحسن ميفوت شهر غير يكون جديد وطري على ود البيتزا او البسطيلة والى بغيتها للضياف غالبا بالحوت الابيض وكلمار وقيمرون وهكا كنضن كتجيك فازكة من انك ملي كتشحري القوام مكتخليه انشف مزيان من الماء وكدلك الشعرية الصينية ملي تطلق تتصقطر مزيان او ملي كتعمريها مكتطيبيهاش فنفس الوقت يعني كتوجديها على تيساع ملي تبغيها عاد توجديها لا وجدي كل المكونات وخليهم ابردو عاد لفيها وتم تم طيبيها ومن الاحسن تتقدم دافية
ردحذففمقلاة نشحر بصلة وكورجيطة وجزرة و فلافل بالالوان والربيع والثوم مع الزيت العود والعطرية ملح ابزار سكنجبير خرقوم تحميرة ومطيشة دالحك وشوي من صلصة الصوجا والهريسة ومصير مقطع رقيق وعصير الحامض او الخل وشوي من كنور اما نزيد معاها طريفات من سدر الدجاج او الحوت او الكلمار اوالكبدة دالبقري المهم على حساب واش عندي ملي نشحر المسائل وتنشف نزيد عليها الشعرية الصينية بعد ما صلقتها ونخلط كلسي ملي تبرد نلفها وهادي هي طريقتي حتى فالبريوات كل مرة ننوع فالحشوة المهم الخضرة والشعرية ولي كان دجاج حوت كفتة غير بالنسبة لبريوات الكفتة كنشحرها بلا خضر او شعرية غير مع الربيع والزيت ومطيشة دالحك والثوم والبصل والعطرية نزيد فيها معلقة دالقرفة وهاد الحشوة كتصلاح حتى لمسيمنات صغار ملي نسرحها نعمرها ونطويها ونطيبها عادي
ردحذفسلام ام قمر توحشناك فين هاد الغبرة ههه يكما لهاك الوليد بالنسبة للوبيا اولا كنشكر ميمو كوكو خاصني نجرب طريقتك بالقرقة والحامض ما عمري فات لي عرفتها بهكا المهم نجبد اللوبيا من المجمد بعد ما كنت نقيتها وغسلتها ورطبتها ليلة كاملة فالماء ودرت قياسي فكل ميكة باش تجيني ساهلة وموجودة للاستعمال نفتح الميكة ونكبها فالكوكوت فالقياس دالماء الى كنت غنطيبها بوحدها نشعل عليها النار واحد 20 دقيقة ممكن بلا ما نسده ونوجد ليها شوي عدس بحال كويس داتاي والربيع والثوم وبصلة محكوكة ملح ابزار خر قوم اسكنجبير وتحميرة وكامون وزيت بلدية و ربع كنور ومطيشة دالحك مكندير العادية كتحمضها بزاف ولكن ممكن تديروها الناس ادواق ونخلط مزيان حتى تندمج كل المكونات نسد عليها ونحسب 30 دقيقة على نار مهيلة ملي نفتح الى باقي فيها الماء نخليها تتشرب وتختار وكاينة بالكرعين دالغنمي انا صراحة كيحمقوني معاها ادن فالاول نسلق الكر عين واحد 30 دقيقة ونكب داك الماء عاد ندير ماء جديد واللوبيا وكل القوام لي سبق دكرت بلا عدس ونسد عليها ونحسب ليها شي ساعة او اقل على حساب الكر يعات واش صغار او شارفين ههه اكتجي رائعة وبالصحة والر احة
ردحذفسلام ام ياسين متشرفا بيك والله احفضك وكلي فخر نكون اختك الكبر ى وسعدات ماماك بيك وتبارك الله عليها لي عرفات كيفاش تكسبك وكنتو اخوات وصديقات اكثر ما انك بنتها حينت قليل فالامهات لي حققات هاد المعادلة دبنتي هي كل عائلتي وصحباتي ولكن فالمقابل غيجيكوم الفراق صعيب ولكن هادي هي سنة الحياة ومبروك عيد ميلاد زوجك عقبال 100سنة من الحب والتفاهم والخير والخمييير ههه اما بالنسبة للطورطة ديري اي كيكة كتصدق ليك ودوبلي العبار باش تجيك عالية ملي تبرد قسميها على 2 ودهنيها بالكريم وزوقي بالفواكه او ديريها بالكاكاو ملي تطيب زينيها بصوص الشكلاط وهكا على العموم هنا فالموقع سيري لقسم طورطات وكيك تلقاي مبتغاك وما تخافي الاغلبية كيصدق تبعي غير المكونات والمراحل بدقة ومتخافي والله اسهل عليك ما صعاب وبلا متتقلقي مع المدة دبا تطلقي يدك وكلشي يصدق ليك وخى كاين بعض الاحيان الحاجة تحلف واش تصدق رغم انك متمكنة منها والخابية نهار اجيك شي حد
ردحذفملي نوجد الكيكة نكبها فالمول نحطها فالفرن عاد ونشعل عليه وتكون مهيلة ونسد ومنحل حتى نشم الريحة وننزلها من الفوق الى التحت اما الى كان الفرن سخون كتطيب من التحت وتبقى من الوسط جارية او مطايبة مزيان غير تبرد تتفش وتولي حالتها
ردحذفسلام اكرام فالمجمد ممكن نجمدو اي حاجة انا بعدا مجربة كرواصة البطبوط العادي ماشي الشيار او بطيبطات صغار والملوي والمسيمنات يواء عادين او معمر ين وبيتزات صغار او بريوات و والحريشات والحلوى سواء العادية او باللوز فقيقصات مالحين فواكه للعصير ماشي للاكل او الزينة بحال خوخ افوكا فريز قرعة حمر اء بلا سليق حتى تكونجلا عاد تتصلق باربا مصلوقة بلا تقطاع هاكا بجلفتها وسمعت حتى الشباكية والفاكية بالحق مامجرباهمش المهم فالمجمد الحاجة جديدة وباردة وندير القياس لي نجبد ماشي حل سد او لي شاط نعاود نردو للفريكو لا اوا هاد الشئ لي تفكرت لي عودة ان شاء الرحمان
ردحذفChoukran bzaff khti fraht bzaf mlijawbtini otbark lah 3lik ikram belgique
ردحذفسلام ام رضا شكرا على اسطور الرائعة هدا كياكد على صدق نيتك تاكدي انك مثلي او اكثر انا اول عام عندي في التاطير و الحمدلله تعلمت انا بزاف الحقبل نا علم النساء حيث منين كان نوجد الدرس طبعا بلاستعانة بالشبكة العنكبوتو بعض الكتب كنلى راسي تعلمت اشياء جديدة لان اول عمل عندنا هو نحفظو النساء القران مع التفسير وقس على دللك من مواد العبادات و التربية الاسلامية مادة القراء و الكتابة على العموم تعليم النساء صعيب بالمقرنة مع تعليم الصغار ولكن عندهم الاصرار على التعلم واحسن من دللك انك كتسمعي دائما الدعيوات من عند هم بالاضافة انني ليقت راسي ولابد نتعلم قواعد التجويد باش نحفظ هم بالطريقة الصحيحة و حتى انا كنتعاند معاهم و حفظت هاد السنة الي هي اول عام في تاطير النساء 3 احزاب وخا قلال المهم حسيت اننى ستافدت ومن هاد المنبر كنشجعك على انك تاخدي المبادرة وتنخرطي في العمل المسجدي لانه عمل طيب جدا وفيه الاجر وكنضن غادي تكوني قد المسؤولية لانك ماشاء الله عليك
ردحذفالسلام عليكم تبارك الله عليك الأخت أم محمد رضا ملي عقلتي عليا انا أم قمر.وشكرا بزاف على اللوبيا .تبارك الله على الحادكة ديالنا. انا اللوبيا ما باتش كتصدق لي هاد الأيام .كتير قاصحة. ودابا غادي نجرب هاد الطرق إنشاء الله. والله ما كدبت ولدي ما كايخليلي كاع الوقت باش نحك راسي.
ردحذفAllah yazid charafak okhti alhabiba allah yasma7na mlwalidin ta3arfi ma3amrnni dart sahbti kant hiya kolchi walikin kima golti labod mlfra9 ana jani s3ib hit ba3adt 3lih matzawjtxh fnafs mdinti walakin lhamdolihah salmhili tawlt 3lik chokran lik bazaf olah ybarak fik oyyarab ykhalihna hit howa taj rasi o3ailti saghira ana l9ism chayfato kamal olakin hfatli flkhtiyar awala bkatrat mabghit ndir haja momyaza knhass blkhof hhh o3andak lhak ila golti haja katahlf matsd9 ana min yjiw dyaf kanatlaf nichan yjibli lah mana3raf walo wakha rajli kaygoli tabkha mahira omakathachminich hhhhh wach gh kayjamalni wala mn3raff
ردحذف3andak lhak hata ana kandirha faran barad walqkin kanat kima golti matiblich maldakhal ombara tnahrg hhhh yamkan ana makontch na3rflha ohata anaha kanat tfach fhad lhala kanrmiha manakdabch wahad nhar sma3t fradio khas madlin mandiroch fih haja barda ya3ni najbdo 9bal mtalaja lbid olah o3lam
ردحذفchukran okhti om mohmed red .sem7li neswlk ne9dr newjd fe7l be lile dok khalit o lard lihe ade ne3mrh .o semhli bezf o lah yekhlilek welidatk o mol dark .o yez9ni ana nechall be dorya sali7 asmaae♥♥♥♥♥♥
ردحذفسلام عليكم جميعا. اما اختي ام محمد رضا متخفيش عليا ولله الحمد مزال عايشة في شهر العسل ههه حنى بعد مرور 13 عام على زواجي ولله الحمد عطاني ربي زوج محب ومزيان بزاف وحتى انا كنبغيه اكثر من نفسي والمشاكل لي دازت علي كانت من ناس اخرين الله يسمح ليهم بسسبب الطيبوبة الزايدة والصواب لي اكثر من القياس ومكنتش كنظن ان الناس خايبين لهاد الدرجة مشاكلي تتلخص في انني تقريبا 3 سنين وانا كارية وهانية لكن درت غلطة عمري ملي جيت لدار ناسي وبنيت عشت عدة مشاكل لي معندي فيها يد هدا هو السبب لي كيخليني مكنكتبش البرنامج اليومي ديالي حيث مدة 10 سنين هدي و انا كنعيش الاحساس بالندم و عدم الاستقرار بوجودي فيها كنبغي غير فوقاش نخرج منها لكن كان عزائي من كل تلك النشاكل انني انا وزوجي بحال الاصدقاء و خاصني يوميا نخرج شوية باش نرتاح دابا الحمد لله هانية هاد الساعة ولكن ضروري مكتبقى الاثار غير كلها و منين جاتو ودائما كنقول لعائلتي لي قريبة لي في السكنى بزاف كنتمنى نعيش في شي صحرا وجدي لينا شي بلاصة ام محمد رضا هاحنا جايييين ههه.
ردحذفسلام ام مقمر اه شدي الميكة الي خرجت من المجمد وحلي عليها الماء حتى تفصل اللوبيا على الميكة ولوحي اللوبيا فالكوكوت نيشان وخا جامدة وديري عليها المقادير والماء بوحدها غادي تحل وشكرا على دعوتك زوينة
ردحذفاما بالنسبة للعمل في البيت نعم سبق لي جربت قبل الولدة 3 بيع البلاكيور و والروايح و متخافيش من حيث الصبر و الدراع الحمد لله وكانت البداية مزيانة و حتى اختي كانت كتبيع لي في الخدمة ديالها ولكن قررت نوقف بسبب شي ناس لي كاياخدو السلعة و كيبغيوش يخلصو عصبوني بزاف ملي ياخدو الحاجة بوجه ونهار الخلاص كيتسيفو ههه اما بالنسبة للحلوى حتى هي درتها ملي كان ولدي صغير حتى كينعس بالليل وكنبدا نوجد فيها تقريبا مدة عام ونص و لكن لي متبوع بعين بنادم مكيطول في حتى حاجة المهم الله يجيب لي فيها الخير و الله يقضي عنا الدين امين.
ردحذفشكرا ام عبير على دعوة الى كنت ف اروبا وخصوصا اسبانيا سوبرمركادو ديال مركدونة تاتباع فيه هاد صلصة مطيشة زوييينة احسن من الطبيعية تتجي ف الصراحة جربيها وردي عليا ههه
ردحذفسلام ام رضا زوينة الفكرة ديال الكرعين واللوبيا شكرا
ردحذفو بخصوص اسماء لي بغات البسطيلة ديال الدجاج انا مكانتش كتعجبني لكن جاني سبحان الله عليها الوحم في الولدة الاولى وهدي طريقتي المتواضعة كتجي بنينة و ناشفة كتاخدي الدجاج القدر لي بغيتي من الاحسن غير الصدر ملح ابزار سكينجبير مروزية خرقوم مطحون متديروش زعفران كويغطات ممزيانش + ملعقة سنيدة والقرفة تكون زايدة شوية وراس ثومة صغير محكوك + كمية من البصلة البيضاء كيلو او كيلو ونص محكوكة و شوية ربيع و شوية زيت و من الاحسن يتشحر الدجاج في العطرية بلا زيت في الاول. ملي يطيب الدجاج ومن الاحسن يكون المرق مشرب باش تبقى البنة لاصقة في الدجاج نحيدوه ونخليو المرق يتشرب مزيان على نار مهيلة كنضيفو ليه معلقة زبدة والسنيدة على حسب الدوق حتى ينشف ونضيفو ليه 8 او 10 بيضات مطربة ونحركو مزيان حتى يطيب ونخليوه يبرد. اما اللوز ممكن نخلطوه بكاوكاو غليظ كيتسلق يتنقى و يتقلى في الزيت ملي يبرد كنطحنوه مع السنيدة و القرفة. كنفتت الدجاج وكنعمر الورقة بالطريقة المعروفة اما كل حاجة في طبقة بينهم ورقة و ممكن نحط الخليط شي فوق شي في طبقة و حدة و ندهن الورقة بالزبدة باش تجي مقرمشة وملي تطيب تدهن بالعسل وترش باللوز مقلي صحيح او مهرمش و تقدم دافية و بالصحة و الراحة.
ردحذفسلام ام ياسين عيد ميلاد سعيد لزوجك ومن الصدفة حتى راجلي عيد ميلادو في شهر 6 كنحاول دائما نديرلو شي احتفال و لو بسيط المهم ضروري متبيني ليه ان يوم ميلاده من اهم الايام عندك كتزيدي تعزازي عليه و متنساوش الحادكات حتى عيد الزواج تحتفلو بيه حيث كيجدد الحب و كيخليكم ديما تحسو راكم عرسان جداد و عايشين في السعادة وراها بالتجربة و الله يسعد الجميع ان شاء الله.
ردحذفSalam alhdkat ntmtna tkone dim matfalat blhyat wakha ikone machakil alwahd insa chwya alhyat 9sira ok ana alobya kandirha m3a alkrcha dyal alghnmi wla bkri hhh ana kankolha bdrja m3rftch b3arbya mhim katji ldida .rifya oum rayan
ردحذفسلام اخت مريم انا اختي دائما في المغرب و الشكر الجزيل لبسمة لي جمعتنا و قربت بينا المسافات و الله يقويكم في على الغربة.
ردحذفاسرار مهمة لزيادة اللذة لطيابك. بيتزا باش تجيك مزيانة ضيفي ليها 2 معالق كبار حليب غبرة
ردحذفو الصوص ديال لباط ضيفي ليهم شوية الزعتر ومعلقة صغيرة كامون تيجي متشبعيش منو
الطاجين باش يجيك مزيان متكثريش الماء و العطرية خلطيها بوحدها فشي زلافة و ديري ليها شوية ديال الماء عاد كبيها على الطاجين و بهاد الطريقة الطاجين تيجي متشبعيش منو و لي كلاه تيشكرو
فالدجاج المشوي ديري، هاد الخلطة كتجي لذيذة : الثوم + الحامض + التحميرة + شوييية د الحار + الملح + الزعتر + البزار + سكينجبير + القزبر حبوب + الزيت البلدية و بيتي الدجاج فيه و من بعد شويه
بالنسبة للكيك على سبيل المثال كاين اللي يبقى يحزر و يبزر فيه ومكطلعش ليه والسر ديالها هو لخميرة ديال الدار اياه ديال الخبز قبل ما ديري دقيق ديري جهد معلقة صغيرة خميرة ديال الخبز و تحريها حتى ذوب وديري دقيق وخميرة الحلوى
سر خطير أخر ف الكيك كيخلي الكيكة مفرقعه بحال الا فيها قنبوله هههههههه هو كاس ديال الماء بارد كديريه مع المقادير سواء ف الاول ولا ف الاخير وكتجي عالية وكتحمق وهكا غيبقاو ديما يسولوك على السر
وهاد الكيكة زوينة و اقتصادية ديال الماء كتجي زوينة وعادية بحال الكيكات لخرين كديري فيها كاس ونصف سنيدة و 2 بيضات وكاس الزيت و1 خمارة رابعة دقيق و كاس ماء سخون يعني طايب 2 معالق شكلاط غبرة كطربي البيض مع سنيدة وضيفي زيت والماء السخون والشكلاط غبرة ونتتي كضربي ونحركوا كلشي وننصبوه في مول مدهون ودخليه للفرن ومنين طيب زينيه بالشكلاط ولا باش حبيتي
البريوش باش يجي مفشفش ورطب ضروري من الزبدة الوصفات بدون زبدة مكيصدقوش والزبدة كتخليه هشيييييييييشة.
إلى بغيتي البنة في الطاجين أو الدجاج محمر أو لحم محمر أو الحريرة أو الكسكس دائما ديري طريف ديال كنور البكري وخا يكون الدجاج
اللوز باش ميتحرقش في القلي وضعيه في الزيت باردة بلا متخليها تسخن وعلى نار متوسطة.
فطاجين الحوت صلقي نصف كاس صغير من الروز نصف سلقة
السلام عليكم اخت ام سلمى تبارك الله عليك و على معلوماتك كنتمنى الزوجات الجداد يستافدو منها وكلنا كنستافدو وكنتعلمو من بعضنا بحال قضية الخميرة معجونة عمري مدرتها في الكيكة نجربها و نرد عليك لخبار وبالنسبة للكيكة بكاس الما بارد واش كنديروه واخا نكونو دايرين حليب او دانون او ليمون انا مرة مرة الى ماكان والو كنعوض هاد شي بالماء و كتجي الكيكة خفيفة شكرا لك اختي.
ردحذفالسلام عليكم ام ريان و الله شهيتينا انت و الاخوات في اللوبيا ها اللي بالكرعين هاللي بالكرشة ملي سخن الجو مبقيت درتها رغم ان جمال الصقلي سمعتو في رمضان الماضي كيوصي باش نستعملو القطاني طيلة السنة حيث مهمين للصحة ان شاء الله نديرها غدا و شكرا.
ردحذفSalam okhti om 3abiir chokran lik o3id milad sa3id lzawj dylk walahila sodfa hhh ta3arfi hata 3id zwajna mois 6 klamak 3ala sawab khti kaykon ihssas rai3 ana htafalt b3id lhob kan nhar zwin oihas zwin hwayaj sghira kdakhal 3lina farha kbira
ردحذفChokran lik okhti om salma walakin samhili wach kata3ni djaj mhamar ??
ردحذفHata ana kandilha bhalk om 3abiir walaki mkandirch lmroziya ma3amrni sta3maltha omkn3rfhach khti
ردحذفBima anakom akhawati kthdro 3la lobya ana ghancharak m3akom bwahad fikra ana kandirha lobya lkhadra ya3ni lobya cha3ra kanasla9ha onsafiha onhayad rwa malkokot ondiro 3liha fksrouna m3a knor +m3il9a zit bldiya onkhaliha tib vhi chwiya jahd ma mayadkhalha dak lmara9 omin nhat makla ndirha malfou9 katji zwiina hssan mataybiha fwast lkhodra
ردحذفسلام ام محمد الله يخليك ويحفط ليك وليدك وزوجك يا اختي راه الله لي كيعلم بالقلوب مؤخرا مشيت صليت العصر منكدب كنصلي غير فالدار ولكن الى كنا على برا كنصلي فالمسجد المهم اغتنمت الفرصة وسولت مؤطرة الامية وقالت لي دروس القران يوم الاحد ولكن ماميسر لي نحضر حينت اولادي مولفيني وغالبا راجلي مكيكون حاضر بنهار ويوم الثلاثاء الحديث وتجمعو شي سيدات فرحو وقالولي كنسحابوك انت لي غتعوضي مؤطرة السيرة حينت اسابيع باش مبقات جات قلت ليهم لا لا شحال خاصني وخا الحمد لله كاين رصيد لغوي وثقافي ومعرفي ولكن باش ننسق الافكار ونتخلب على الارتباك منقدر المهم الى كان ممكن تعطينا بعض الكتب لي كتعاونك على ود انا صايبنا مكتبة ولكن باقة خاوية من غير شي كتب من هنا ولهيه وعاد شديت تفسير ابن كثير 4 اجزاء او المواقع لي كتدخلي ليها الى كان ممكن تحطي لينا برنامجك فالقسم الاسلامي والنقاشات الدينية راني عارفة بلي عندك مسؤولية البيت والخدمة ولكن لقايلينا شي وقت وخى تحطي غير الخطوط العريضة والمراجع ولك الاجر والثواب امنيتي نتعلم ونعلم والله الناس كاع ميعرفوني وكيسحاب لهم اني معلمة معرفت علاه رغم اني ماشي اجتماعية ومكنعرف نخشي راسي وقاتلني العجز غير الدار كاينات تبارك الله من هنا لهنا يشوفو ويعرفو ويدوزو الوقت وهادي دعوة لكل الاخوات لي عنهم المام بالمجال الديني احطو لينا برنا مجهم وكيفاش حتى لبسو الخمار وحفضو القران والبرنامج اليومي للعبادة من ورد يومي الصلوات لي كياديوها والعبادات الاخرى باش يشجعونا ويدعمونا وهكا حشومة الواحد عندو شي معرفة ويبخل بها لان العلم اجباري انك تبلغو وليس فضل منك نتمنى تفهمو قصدي وتعمرو الصفحة الدينية باقتراحاتكم واراءكم
ردحذفسلام ام قمر الله اودي كاين لي ميعقل على احبابو كتجيك قاسحة اما مكترطبيها بزاف او مكتعطيهاش الوقت المهم ديري هاد الطرق لي حطينا وجربيها حتى مه الكرداس او القديد كتجي ما شاء الله ومن الاحسن شري اللوبيا صغيرة فالحبة وانا غنختلف مع ام عبير ونقول كنفضل العدس حينت هي كتجيني ملسة وثقيلة ومع المصران ولكن مرة فشحال نديرها وندعمها بالكريعات دالغنمي لا غلى على مسكين ماشي الكرعين دالبقر ههه او القديد اوالكرداس او كاع حفات ههه نزيد شوي من العدس باش نكسرها وخلاص ضروري من شليضة عادية وعصير حتى هو عادي ههه
ردحذفعصائر عادية واقتصادية بالنسبة للمبتدئات وكدلك سلطات والسر ديالهم اكونو باردين ومنكترو السكر او الملح
ردحذفنصلق الباربا ملي تبر د نطحنها مع عصير الليمون والسكر
نصلق القرعة الحمر اء ملي تبر د نطحنها مع عصير الليمون والسكر
كمية من عصير الليمون مع جزر طبيعي او مسلوق والسكر
كمية من عصير الليمون مع الخيار والسكر
كمية من عصير الليمون والفريز والخوخ والشهدية او لي موفر والسكر
كمية من عصير الليمون وعصير حامضة وبنانة وتفاحة وخوخة او اي فاكهة عندك والسكر
جبدي حامضة صفرااااء من الفريكو بعد مغسلتيها خليها حتى تطلق وقطعيها وطحنيها بكلشي مع السكر و1لترمن ال ماء وصفيها ممكن تطحني معاه خيار او اوراق النعناع او شوي من سكنجبير طري منعش ورائع عندي معتمد
كمية من عصير الليمون والجزر اوالخيار او بزوج واي فاكهة والى كان الموز او التفاح دائما ندير الحامض
نقطع رقيق طماطم وخيار وفلفل اخضر وشوي بصل وملي نبغي نقدمها عاد نتبلها بالملح وزيت العود
فوق البوطة او الفحم نشوي فلفلة ودنجالة ونقطعهم مع طماطم وبصل وشوي ملح وكامون وزيت العود
نقطع مطيشة مع فلافل مشوية وبصل مع ملح وزيت العود وكاين لي كيضيف حتى الكامون
ملي كنكون زربانة كنقطع عشوائا خيار طماطم وبصل ونتبلها وتتكال بالشوكة احسن وعملية بالنسبة للاولاد
نحك الخيار والجزر وممكن نضيف الباربا خضراء اما غلاض مع السكر او رقاااق مع السكر وعصير الليمون
نسلق شوي روز كلاص اصفر مع فلافل ملونة اما مشوية او بلاش وطماطم وممكن بصل مع ملح وزيت العود
الباربا مسلوقة مقطعة مع السكر وقليل من الخل او مع القليل من البصل والملح والخل
سلام ام ياسين الله يبارك فيك شفتي وخالبعد الحمد لله دبا مع التيليفون والانترنيت بحال الى راكي معاها كل نهار عطيها التقرير ههه وتشاروي معاها فكلشي اما كثرة الصحاب كتجيب غير الهم ومزيا ملي راجلك كيرفع ليك من المعنويات حتى انت تهلاي فيه وديريه باباك وخوك وصديقك قبل من راجلك باش يحصل الالفة والمودة بعيد على شد ليا نفطع ليك الله ابعد علينا المشاكل اما عيد الميلاد متشطني راسك ديري شي حاجة ساهلة ومميزة واهم شئ بدوقك وحبك ومتنساي لبسي وتقادي والى كتخرجي شري ليه شي حاجة والى كنت فالدار ممكن تبدعي ليه شي هدية بالطرز او الخياطة او غير كلمة طيبة وحنونة تفي بالغرض وهاد المناسبات هما باش كنفوجو شوي وننفسو على خواطرنا كاين لي كيقول حرام نحتفلو بعيد الميلاد علاه مالنا جبنا كاضم الساهر ههه ياك غير مع وليداتنا وممكن شي اصدقاء او جيران في ما يخص عيد ميلاد الاولاد وشحال من مرة كنديرو غير بيناتنا ماكاين لي جاب لينا خبار او حتى الى بغيت ندير ها عراضة منعلم كاع حتى لداك النهار ونقولها اما فالصباح او الليل باش منكلف حد ما والو نضحكو ونلعبو وناكلو لي جاب الله وصافي وكلا خيرو فدارو راه غير الصواب وخلاص
ردحذفسلام اسماء الله ارزقك درية طيبة صالحة باش افرح قلبك وتعم الفرحة بيتك وزوجك ايه ممكن توجي بالليل والصباح تلفيها وتطيبيها انا كنوجدها فالصباح ومع العصر نصايب الورقة ونلفها ونطيبها عادي
ردحذفamin alhbiba 3ela de3iwatk welh ta hebtoli demo3 chukran bezaaaaf
حذفالسلام عليكم سبحان الله على صدفة شحال زوينة كنت ما بغيت نقولها ليكم يوم السبت اي نهار 17 احتفلنا بمرور 10 سنوات من زواجنا ويو م 28 ف5 عيد ولدي الكبير ويوم 2 ف6 ولدي الصغير وابوهم يوم 29 ف 6 وانا حتى ل26 ف 11 يالله هانا اعطيتكم موجز من الحالة المدنية ههه مزيان نحتفلو بعيد الميلاد والحب والزواج ودخول السنة الميلادية والهجرية وغيرو بلا فوحان او تبدير وانما وسط العائلة باش نكسرو الروتين ونجددو الحب
ردحذفسلام ام سلمى شكرا على الاقتراحات هاديك القضية دالخميرة المعجونة فالكيك راني نجربها ونرد عليك الخبار اما الماء يا اختي ام عبير كتديريه الى ماكان لا حليب لا دانون لا والو بالنسبة للكيك الابيض اما لي بالكاكاو حتى هو ممكن تديري غير الماء او القهوة معصرة في بلاصة الحليب ولكن دائما باردين اما طايب معمري جربتو ماعدا فالكيك لي كيطيبو المقادير فالكسرونة عاد تزيدي البيض والدقيق وكنشكر ام ريان على فكرة الكرشة مع اللوبيا مزيانة فايت لي دقتها غير انا معمرني درتها ملي نجيبو الكرشة اولادي يحماقو عليها فالطاجين مع البصل والزيتون او نديرها تقلية مع الحمص اما اللوبيا دام ياسين هادي عندك فيها الصح انا مكنحملها كتجيني كتبسل المرقة فيت لي كليتها عند شي ناس غير مع لحم البقر جات فنة اما مع الخضرة لا كنجيبها كتبقى حتى نرميها ما عدا نسلقها و نشرملها فالربيع والثوم والملح والكامون وزيت العود وتحط كشلاضة اما ميمو كوكو الله يفرج على راجلك بشي خدمة ويرزقكم من غير ما تحتاسبو يارب وكل المسلمين
ردحذفتبارك الله عليك ام عبير التجارة والحلوة والدراع والصبر والخاطر ههه عيني باردة عليك وراه كل كلامك على حق بنادم الله استر غير حاضي وكيف ما درتي متسلكي منو اما الطيبوبة والنية مع شي وحدين مكتليق اوا الله اخلص كل واحد على نيتو شفتي مزيان غير ملي راجلك مزيان معاك وبينكم الاحترام والمودة وعايشين ايامكم على خير اما المشاكل مخاطين حد ويتبعوك فين ما كنتي اسحاب ليك غير حنا فالصحراء صافي غير هو مدرقين وجهنا وماكنا فوجه الفران نيشان ههه اما احياني راكي تحملي وتجملي وما كاين والو غير من واحد الناحية بعاد كنسلكو غير باييه ايه وصافي اما هم العائلة ما يسالي وهادو دياولنا كينطبق عليهم داك المثل لي ما عندو هم تولدو ليه حمارتو حشاكم واحد مهني وبعيد عليه الشغل ويبقى غير وحدو علاش هاديك وكيف هاديك وشي خوا خاوي واش انا دوزت ايامي باش ما عطا الله اوا نتصنت لعضامي دبا اوا الله يهدي ما خلق اما الكريدي حساب اخر وانك عشتي مع العائلة خطا كبير يا اختي هادي دعوة لكل السيدات نكري غير بيت وبعيد من العائلة وناكل غير شلاضة وننشر رجلي وبخير ههه حينت الدوام هدا اما الصحراء والله رغم البعد ومكتحضري لاغلب المناسبات ولكن كنحمدو الله عليه حينت غير داك الشهر لي كتدوزي كتجي مكهومة ههه وبنات العائلة كيقولو لي مامحضوضة غير انت لي بعيدة ههه بالاخص ولينا مغولين هنا بوحدنا وولفنا الشغل قليل والنعاس وكلشي ثقيل ههه هنا الصحراء معروفة كلشي بالشوية لي بغا يربح العام طويل ههه اوا غير اجيو مرحبا بكم حتى الجو مزيان فالبرد دافئ وفالصيف بارد ماشي بحال الداخل عرفتي هاد العام ما مشينا فشهر 4 عرفتي رانا غير كنفكرو كيف غندوزو الصهد لي ما بقينا ولفناه
ردحذفسلام عليكم جميعا أخت أم محمد رضا الله إدوام محبتكم عقبال 100 عام إنشاء الله مبرووووك عليكم لمطارالجديد لتفتح فمدينة بني ملال
ردحذفSalam oum mohamad rida rak tzaditi fchhar 11 bhali ana 3andi 12 f11 w3id zwaji 7 f6 sodfa zwina .rifya oum rayane
ردحذفسلام عليكم جميعا. اولا اختي ام محمد رضا مبروك عيد الزواج العاشر و ان شاء الله بالصحة و السعادة طول العمر بادن الله و تشوفي ولادك كيفما تمنيتي و بغيتي و الله يسعد الجميع في الدنيا و الاخرة. اما مسالة القرب و البعد في هاد الوقت لي خسرات فيه العلاقات ولات غالبا مبنية على المصالح و الماديات الا من رحم الله 100 بعد و 100 غربة ولا تلاقاي مع وحدين كيفما كيقولو انت تحلبي عليهم الحليب و هما القطران وكما قلت الله يخلص كل واحد على قد نيتو والله يبعدنا من هادوك لي مايخافو الله وسبق لك قلت بالي اكبر هم و اكبر مشكل الى كان مع الراجل لكن الحمد لله من هاد الناحية. و انا كنستغرب من الزوجة لي كتعامل زوجها بحال شي عدو انا من صغري قريت واحد القولة ديال فيلسوف كيقول خلقت المراة لاسعاد الرجل و بقات لي فبالي وعشت بيها و مالقيت الا الخير ربما البعض يفهمها انها كتنقص من قيمة المرا بالعكس كتزيدها عزة وكتخليها تكون مصدر سعادة و بهجة ربما الفيلسوف ليس بمسلم لكن ديننا الحنيف كيقول لو وجب السجود لغير الله لامرت المراة ان تسجد لزوجها يعني الزوج قيمتو كبيرة عند الله ومن علاقة الزوجين السليمة و المبنية على التفاهم غالبا كتعطي درية صالحة ان شاء الله
ردحذفشكرا على هاد السيل من الاعاصيرههه الله يعطيك الصحة ديال الكرعة الحمرا عمري مجربتو وديال خيزو مسلوق الى مكانتش البنانة كندير فيه دانون كيجي زوين .
ردحذفوعليكم السلام هوارية امين يا اختي الله يجازيك بالخير ياك ما كاين باس حتى غبتي هاد الايام درنا النوبة انا رجعت انت اختفيتي المهم الله احفضك وينول ليك لي فخاطرك وراكي متبعة الاحداث ما عندي ما يتسالك ههه المطار وسوق السمك ودار الثقافة وزيد وزيد وهاد العشية مشا للفقيه بن صالح اوا اش بغاو بني عمير ههه
ردحذف3afakom alhadgat sfanj makaisda9ch liya wana kan7ma9 3lih whna mkaitba3ch likaisda9 liha tchrah liya btafsil lmomil plz
ردحذفom aya
سلام عليكم ،أختي أم عبيرلاستعملي هي ماء بارد من أحسن معدني بوحدو،أم ياسين دجاج مشوي في شواية كيجي بنين ورافقه بشلاضة ديال شومبنيون طبيعي ولفلفة حمرا وخضرا وبصلة غسلي كلشي مزيان نشفهم وقطعي شرائح طوال ديري كلشي في مقلاة وزيدي ملحة ،إبزار زيت لعود زوينة هاد شلاظة،أم محمد رضا عندك تكثريها هي معلقة صغيرةوشكرا على الأعاصير غادي نجربهم كلهم
ردحذفحتى أنا بنت مزيودة في 28/05،بحال ولدك سبحان الله على صدفة ياله غادي تكمل عام وهي لي عندي وحتى أنا بعيدة على عائلتي كنعيش فألمانيا
ردحذفختي ام سلمى حتى أنا من ألمانيا ممكن نتعارفو انا فرح
حذفBasah okhti om mohamd rida walahila walaw rahma okol nhar ta9rir kima golti
ردحذفch7al man wahda kharjo 3liha shabat
lhamdo lilah ya okhti maa3adnach machakil 3aychin mtfahmin okanhsbo kolchi bnisba liya 3adna wlayad 23/05 ydir 1ans
lhadiya kayna hhhh basahghi binatna khti ana fi3lan mkankhrajch bohdi walakin tahatli lforsa kano 3andi dyaf okhrajna okhditha
chokran lik okhti l3aziza dkhaltili lkhatri wlah lah ykhalilak wlidatak oyfarhak bihom lihtifalat labod katkhali routin yatharas olhob yzid
Mabrouk lik 3id zawajak om mohmd rida layj3alni nawsal bhalak ana yalaah ghandir 2ans 10/06
ردحذفCbokran lik om salma ana narbt khmira ojat zwina ba9ili lma njarbo
ردحذفKlamak 3la sawb yaokhti om 3abiir olamra liktchofha anaha ghatna9ass m9imtha ghatkon ghalta hit rah maknch bhal ana zawj dyalk yard 3likk
ردحذفKhti om mohamed rida 3id zawaj sa3id iwa nit ach bghaw bni 3mir wala 3andna lmatar nwali nzel fi bladi ga3 mandrob tri9 dial casa
ردحذفila kan kaisda9 lik sfanj golili kifach elah ykhalik belmonasaba tana zaida nha 20 f11
Om aya
سلام عليكم الأخوات ،كنتمنى تكونو بخير، أخت فرح حتى أنا كنعرض عليك صدقتي فين مدينة نتي.
ردحذفالسلام عليك ام رضا سمحلي الى مارديتش على الاسئلة ديلك راني مشغولة بانجاز عرض حول سرطان الثدي الله يحفظ الجميع المهم الفال انك تكوني استادة مزيان ونتمنى ربي يستجب ليك المهم انت عندك مبادئ اولية وهذا مهم ليك ولكن خاصك تكوني مجازة اما بالنسبة لتحضير الدروس فهو سهل لانك عندك مستوى الاول اوالثاني وانت عارفة الدروس المتعلقة بهاد المستويات بالاضافة انك توفري على ذراية في المجال الديني اما بالنسبة للكتب بالاضافة للمراجع اللي كيعطيوك خاص يكون عندك كتب التفسير ثم ديال السيرة و تعليم الادعية و الوضوء و الصلاة والحج والنساء راهم كل مرة كيجيبو كتب ولكن اناكنعتمد بشكل كبير على الانترنت حيت فيه الاختيار متوفر واناكنموت على البحت وهادشى اللي مساعدني بعد توفيق من الله عز وجل غير توكلي على الله وغادي توفقي انشاء الله الى كان عندك اسئلة انا رهن الاشارة
ردحذفمبروك عيد زواجك ولعقب لمئة سنة طبعا فيما يرضي الله وصلاح الابناء و الزوج وقولي امين اناحلات عندي الذكرى السابعة ونتمنى نجيب فيها شي ولد صالح انا و جميع المسلمات
ردحذفالسلام عليكم انا جديدة معاكم كنتمنى نستافدو من بعضنى
ردحذفsalam om yassin wldak m3a wldi mfawtin bnhar 24f5 raykmal 1 ans iwa rani ba9i hayra wahd ras kaygoli ndirlih 3id milad owahd ras kaygoli blach machi 3la wad lmsrouf olkhasarat wainama ma3ndi gana lchi sda3 ras iwa golilina achno radiri lyasin bach hta ila tchwart n9ol mnak hhhhhh
ردحذفSalam hawaria khti matcharfa bik omabrok 3la wlidak laywaasal chbab nchalah ana ya okhti manhada ch7al wana kantadro hada waldi lawal kanfakar ndilo chi hliwa m3a chomo3 onhtafl bih
ردحذفlmochkil mdina li msta9ara fiha ma3andich 3aila ghant9ad ghi ana obabah ondiro tsawar ohaka nkon dartlo awal 3id milad wila 3andk chi fikra fidini
السلام عليكم ام ياسين وهوارية صدفة زوينة هادي سبحان الله غالبا يومي السبت ةالاحد مكندخل للموقع اللهم من اليوم نقول ليكم وليهم happy birtgday to you yassin an d adam سنة حلوة ياااااا ادم ويا ياااااسين اسكاس ايفولكي bon an niv ersaire yassin et adam
ردحذفسلام ام محمد الله يبارك في عهمر ك وشكرا واميييين على دعواتك كل امنيتي هي الصحة وصلاح الوليدات سواء اولادي او اولاد المسلمين اجمعين يا اختي انا غير بغيت نستفسر اما باش ندير دروس لا ماشي فاستطاعتي ولست اهل لدلك ياربي نصلح غير نفسي والمحيط لي داير بيا الله يوفقنا لما يحبه ويرضاه وعقبال 100 سنة زواج فيها محبة والفة واولاد صالحين بارين بيك يارب
ردحذفسلام ام اية الله يجعل كل ايامك اعياد وانتما دالخار ج لي مبروك عليكم المطار اكثر ههه يستاهلو بني عمير اهل الجود والكر م شفتي تبارك الله البارح فالاخبار ملي سيدنا كيقدمو ليه دوك الشروحات على الفلاحة فالاقليم ما شاء الله تقول ماشي اقليم تادلة ازيلال بحال شي بلاصة فاوروبا من حيت الاراضي الخضراء والله الى حتى فر حت بدوك المناضر بلادنا زينة غير ملقات لي يتهلى فيها تلاقاو غير الشلاهبية ههه اما الشفنج يا اختي مكنعر ف ليه اصلا عندنا كل زنقة بسفناج ههه كاين تعويض بحال البيني ساهل او ياك غير بحال السفنج عجني خبز عادي مدلوك ومرخوف وكتري الفورص ديري خبيزات عادين ملي يخمر و قطعيهم بالشكل لي حبيتي وها السفنج دالمعكازات ههه
ردحذفسلام ام ياسين الله يبارك فيك وانشاء الله ماشي غير تلحقي ل10 سنوات من الزواج وانما 100 واكثر في حب وطاعة الله عرفتي راني حاسة بيك دكية وملي استغليتي فرصة الخروج واشريتي الهدية تاكدت ههه المراة الدكية هي لي ديما دايرة حسابها فكلشي ومتحتاج خد يقولها اما الخروج بلا ما تتقلقي دبا تقدامي فالزواج وتخرجي بزز ههه وخى غير تدي ولدك للمدرسة
ردحذفسبحان الله وبحمده سبحان الله العضيم
سلام ام سلمى سبحان الله نفس اليوم بفرق 8 سنوات ههه الله يحفضها ليك وتشوفيها عروسة اما البعد احيانا حتى هو مزيان ههه وعرفتي المانيا وانجلترا من الدول لي كنتمنى نزورهم مع تركيا ومصر شكرا على شلاضة وقولي واش انت مولات هاد التجارب لي الفوق حينت بحالهم فواحد الموقع مغربي معروف وفايت لبسمة حطاهم فقسم حلول منزلية
ردحذفسلام ام عبير لا شكر على واجب على الاعاصير والله الى النيت اعاصير جمع اعصار ههه فين غبرت شفت حماسك قل ياك اصاحبتي لباس ههه اما الفكرة دالبانا ن ودانون مع العصير فبالي واحد صاحبتي الله يحفضها قالتي راه كيجي زوين حتى مع عصير القرعة الخضراء مسلوقة والحليب غير هدا جربتو معجبنيش معوضش لافوكا احياني اش جاب لافوكا ب30 درهم للكورجيت ب3 دراهم ههه
ردحذفسلام ام ريان كيف عاملة وكيف بقاو الاولاد باقي شي شتيف على السدادر ولا قل ههه اوا رانا كتار لي مزيودات فشهر 11 الله يزيد ويبارك ومبروك عليك عيد الزواج الله يحفضكم ويهدي زوجك
ردحذفسلام عليكم البنات howaria تا انا ولدي اسماعيل ايكمل عامين 23 شهر 5 غدا انشاء الله ولكن ماغانديرش ليه يوم الميلاد وخا كيعجبني حيت واحد الشيخ فالتلفاز قال بلا حرام ندير عيد ميلاد حيت الرسول صلى الله عليه وسلم ماعمر احتفل به و بلا نحن المسلمين عندنا 2 اعياد فقط عيد الاضحى وعيد الفطر وبلا هادشي را تشبه بالنصارى صافي داكشي علاش ماتانحتفلش به والحمدلله على نعمة الاسلام وكفى بها نعمة مريم
ردحذفام عبير لاباس عليك بخير اه اوا الله يخليك بقرب عائلتك حنا هنايا تانعانيو مع الغربة ولكن ولفنا تاتيجي الصيف ولا ماهبطناش لمغرب تايبقا فينا الحال الحمد لله على كل حال
ردحذففين غبرتو االحادكات يكما مشيتو توجدو السفوف و الشباكية راه مزال الحال ههه
ردحذفsalam ana b britko, t3awnoni ana kanbri nbara3 rajali falmakla walakin wkanbri konhar ndir haja flarda walakin malkal9a mandir lah yakhalikom 3tiwani chi wasafat wachno nhat wchno nawa3
ردحذفالسلام عليكم جميعا.
ردحذفاختي ام محمد رضا لا باس عليك بالعكس ما قل الحماس بالعكس غير كنت عيانة شوية بسبب السهر بزاف عندي الضغط نازل وعاد زيد تمارة مع الوليدات و لكن هدا لا يمنع انني اهملت الفيسبوك ووليت مقابلة غير بسمة و ناسها الله يجمعنا دائما على الخير و طاعة الله و رسوله.
ردحذفاما فيما يخص عصير الكورجيت فبمجرد مكنسمع عليه مكنتخيلش انني نصاوبو او نشربو حيث لالة لافوكا كنحماق عليها وحتى حاجة متعوض لي معزتها ههه و خصوصا ان راجلي لي حببها ليا مكنتش كنشربها في دارنا لكني حبيتها من اول نظرة ههه.
ردحذفاختي مريم او ميمو يسول فيك الخير و الله يجيبكم للبلاد على خير اي حاجة ياختي عندها سلبيات و ايجابيات و لكن في رايي من الاحسن البنت ملي تزوج تغبر من حدا دارهم حيث دائما كتبقى محضية من طرف الغير و كتكون معرضة للاصابة بالعين ماشي غير بوحدي بزاف لي كنعرف واقع ليهم نفس الشيء الله يسهل عليكم ويهدي دوك الناس عليكم.
ردحذفسلام عليكم اخت b قولي لينا اشنو كتديري باش نقولوليك اشنو تزيدي عطا الله مايدار اساس الاكل ديالنا هو الخضر مع لحم او دجاج او حوت و لكن كتبقى طريقة تقديمهم كل وحدة تتفنن فيها و طبعا البيتزا ارا متخربقي في تزيينها والشلايض و السندويتشات و البسطيلة لي تعمريها باشما بغيتي و البطبوط صغير معمر و المسمن معمر ولا تنسي الكسكس و الرفيسة والقطاني مرة مرة ممكن ترافقيهم بحوت مقلي المهم هو تنوعي ومتبقايش ماشية على نفس البرنامج حيث كيتسبب في الملل و اهم حاجة ملي الراجل يجي من الخدمة تكون الماكلة واجدة انا جمعت لك الماكلة كلها في 2 سطور اترك الكلمة للحادكات يعطيوك وصفات محددة و الله يعاونك.
ردحذفKHTI OM YASSIN BON ANNE VERSAIR LYASSIN IKBAR F3AZKOM OTCHOFIH 3RIS INCHAE LAH RAH 7TA ANA ADAM LWAL LI3ANDI O9BAL TAH LIA BNADAM RIANA MZAWJA HADI 3 ANS
ردحذفKHTI MIMO راه دكشي مناش خفت أنا يعني تكولي ندير ليه عيد ميلاد غهاد لعام إجي لعام لاخر أتكولي غيهاد العام حتى إعقل على راسو أتولي مجبر دريه ليه إوا غي الله اهديهم
ردحذفسلام عليكم يا بنات أم محمد رضا شكرا إوا يا أختي مكلموووووكش ملي مكدخليش السبت والأحد لحقاش ركي معدورة لاحقاش كيكون مول دارو ألأولاد يلاه فاش تكلسي معاهم أتعتيهم وقتهم إوا راكي عزيزة علينا ولله شاهد
ردحذفاللهم صلي على سيدنا محمد وعلى ال سيدنا محمد كما صليت على سيدنا ابراهيم وعلى ال سيدنا ابراهيم وبارك على سيدنا محمد وعلى ال سيدنا محمد كما باركت على سيدنا ابراهيم وعلى ال سيدنا ابراهيم في العالمين انك حميد مجيد
ردحذفSalam alhadkat ntmana tkone fi ahsan hal .alah ibark fik akhti oum mohamad rida ama asdadr ba9i mrwnin n9ad man jiha irwne man jiha akhra chi mart kandir chi chghol kan3awd lih 10 mart fnhar m3a rwina dyalhom wchi marat kndir bna9s wm3a al3otla 9arbt bnti mtb9ch tmchi alhdna safi lib9a ikmlo irwnoh hhh.ok d3iw m3aya alakhwat rabi ihdi rajlik .wchokran .rifya oum rayan
ردحذفالسلام عليكم أخوات،أختي أم محمد رضا ربي يخليك ويخلي ليك وليداتك ،ههههه أنا لي كتبت أعاصير حتى درت نشر وننقول خطأت جمع ديال عصير هو عصائر والله يحفظنا من أعاصير،بالنسبة للأفكار من سيداتي سادتي وأنا مجربهم وبغيت نفيد بهم أخوات موقع بسمة لعزيز على قلبي .
ردحذفالسلام ام رضامالك خوافة غير تشجعي وبداي تحضريالدروس الدينية وتشجعي حيت تاطير الامية راه سسهل راه اناكنت بحالك خايفة استخرت الله وربيسهل والامور كتيسر وكتجي المعارف عبر الممارسة
ردحذفالسلام عليكم كاملين وكنتمنى نفيدكم بتجربتي على العموم انا راجلي علاقد الحال كاريين&1500 درهم هو خدام لراسو المهم كنصرف الف دررهم فيها كلشي الاكل ومواد النظافة والدسير انا اقتصاديةفي تدبير المصروف ودائماكنشري منها شي حويجات الكوزينة او بيجامة لحقاش حناقلال غير اناوراجلي ولدي اللي قاطع عليه السقاطة كلشي نوجدوا في الدار و الحمدلله كاينة البركة وراجلي كيوفر مرة مرة علا قبل نشريو دارنا شي دعيوة من قلوبكم النقية
ردحذفسلام عليكم أخت أم محمد، الله يسر لكم أختي باش تشريو داركم وتستقرو إنشاء الله.
ردحذفalah iysar lomour daylak akhti owa3tik makatmanay amine arbi
ردحذفInchallh okhti hawaria o3id milad sa3id hata l adam olah ykon f3onak kaygolo ana tatyah s3ib olhamdolh rabii 3awdak khir
ردحذفlaydawam l3achra okhti n.ti faytni b3am
s3datk om mohamedmli kat9dk 1000 dh flmsrof dial chhal ana gher ana orajli okanwsl double dialk 3afak goli lia tari9a bach katsayri lmsrof dial dar ndtafd mnk et mercii
ردحذفsalam lik okht mahamed alah y3awnak onchlhh dirii dwirtak yarab kolchi 9rib 3and lah ghi hna kana9anto hata okhti lkarima bhalak karya b 1500dh walakin lmasrouf 3andi 1200DH ochimarat walah makankamal chhar kanatmana nastafad manak hit hata ana bghi t nwafar kamlin kanajriw ndiro dwira o3andak lha9 hata ana makanbghich waldi yakol s9ata o
ردحذفsalam okhti limadayrach smaya walakim samhili 3la tadakhol dyali 2000dh ntouma b2 machi bazaff chwiya
ردحذفsalam khti om momamed rida chokran lik 3la mojamalat dyala okhti walilah lhamd okima golti lamra hiya tfakar fkolchi wana 3aycha haka absat haja nfakar fiha orad bali mkolchi maY3jabnich lihmal kolchi kaygolhali kaygolo daba ta9dami otakharjii hhhhh ozawj kaygoli hata ydir yassin 20ans hhhh samhili okhti wach nti fasahra ana ghi moakharan mali bdit lmocharaka m3akom makana3arfakchghi 3LA hsab makn9ra
ردحذفsalamo 3alaikom akhawati allah yjazikom bikhir jayyin 3andi dyaf had la semaine 7bab rajli, wana yallah hadi 2 mois bach tzawajt ma3andich chi khibra fla cuisine ; bghiiiiiit mankom chi nasa2i7 wallah chi 9tira7at lmakla lina9dar ndir wa7na jihatna jiht jdida ma3rofa b twajan ????????
ردحذف7bab rajli, wana yallah hadi 2 mois bach tzawajt ma3andich chi khibra fla cuisine ;bghiiiiiit mankom chi nasa2i7 wallah chi 9tira7at lmakla lina9dar ndir???????,,
ردحذفassalamo 3alaycom warahmato lahi wa barakatoho
ردحذفالسلام عليكم الاخوات و شكرا لكم على الدعيوات ديالكم بالنسبة الاخت اللي بغات طريقتي في المصروف بالنسبة لمواد التنظيف كنشري مسحوق امو لحجم الكبير ب30 درهم وحك اوني ب12درهم وجافيل لحجم ديال 2ونصف لتر امالخضرة ودسير كنتقدا كل اسبوع ب ق50 درهم ووكنشري 2 دجاجات 1كيلو لحم صافي حيث كنشري لحوت بزاف ولخبز مكانشريهش كنعجن في الدار اما السكر و اتاي كتقدني باكية ديال نصفكيلو في الشههر و 2 قالب السكر و2 لتر زيت انامحيد لمقليات و الباقي كنمشي بيه الشهر نصاوب كيكة و,,,,,,, اما المعلبات و المونادا و الاشياء المصنعة معندهاش محل في الاكل ديالنا حيث كضر بالصحة و الجيب والحمدلله لبركة كتكون خاصك اختي تشري بحالي كلشي لحجم لكبير حيثكتوفري فيهم وتعلمي تقدي في لمصروف وماتشري غير الضروريات نتمنى نكون ساعدتك شوية
ردحذفذذذ
12
سلام عليكم حبيباتي نتمنى تكون فاحسن الاحوال ام عبير هههه دحكتيني ولاهيلا مشينا نوجد سفوف وشباكية ورا بحال والو نساو حيت عزييييز علينا سيدي رمضان هههه
ردحذفوشكرا على المواسات ديالك والله يخليليك ما اعز عليك واللهم امين الله يسهل على جميييع المسلمين
hawaria لاباس عليك اه رادكشي عندك الحق وعاوتاني الا ولفتي الطفل شي حاجة صعييب باش تحيديها ليه اللهم تعوضي ليه احسن بلاصت عيد الميلاد ادري ليه حفلة ف اخر سنة بحلوياتها بنفخاتها هههه بكلشي ليها وعلى حقها وطريقها ههه ومع صحابو والعائلة ونفس الشيئ عاود الى حفض شي اية من القران تعطيه هدية ولا حفض سورة صغيرة من القران تعيط لصحابو او صحاباتها وديري حفلة بالكاضوات وكلشي وهانتي حيدتي الحرام ودرتي الحلال وبقات نفس المتعة للطفل وكما قلت الله يهدينا فهاد الزمان لي كتر فيه التقليد الاعمى لاروبا وهادشي من علامة الساعة
ام رضا الله يوفقكم تبنيو داركم المراة هي الي تعاون راجلها فدواير الزمان ماشي تعرف غير الدهوبات واللبس وفالاخير يجري عليهم مول الدار الى مالقوش باش يخلصوه . اختكم فالله مريم
عفوا بغيت نكتب ام محمد كتبت ام رضا والله يسهل عليها تاهيا
ردحذفسلام عليكم الأخوات نتمى تكون بخير ،،بغيت نعطيكم مقادير ورقة ديال بسطيلة حنت رمضان بسلامة على الأبواب ياربي يدخل على جميع المسلمين بصحة والسلامة وتنحتاجوها بزاف .
ردحذفكأس وربع دقيق فورص +كأس ماء عبروبديال لعنبة +قبصة ملحة نخلطولمقادير بخلاط كهربائي ونخليو لخليط يرتاح خمسة دقائق ثم نضع كسرونة فيها ماء فوق لبوطة حتى يبدا يغلى نضع فوق كسرونة مقلاة تيفال ثم نبدا دهن بفرشاة ومنين تطيب ندهن بزيت ونعملهم في بلاستيك غذائي ونحتفظ بها في مجمد وقت ما بغيت نوجد شي شهيوة نلاقها،خصوصا لمغتربات بحالي أوما في المغرب موجودة ورخيصة.
السلام عليكم .الاخت هوارية الله يعوض عليك الجنين لي طاح ليك بالخير مزال ان شاء الله تولدي و تعاودي والله يجعلو ليك طريق للجنة يا رب.
ردحذفالسلام اختي ام محمد تبارك الله عليك و الله يوفقك للخير و لخدمة الاسلام و المسلمين والله يسر لك في شي دويرة ان شاء الله في القريب العاجل ويصلح لك الولد و تخاويه ان شاء الله .
ردحذفو الله يعطيك الصحة ام محمد بالنسبة للاشارة الى ان كل المواد المصنعة فيها ضرر للصحة و هدي دعوة صريحة للحداكة وكلنا نحاولو ما امكن نوجدو شهيوات لوليداتنا لي تفيدهم و تخلينا نوفرو فلوس السقاطة لي لا تشبع و لا تغني من جوع.
ردحذفالسلام عليكم اختي مريم ان شاء الله تكوني بخير مزيانة فكرة حفل نهاية السنة حتى انا ناوية ان شاء الله نعملها لولادي احسن من عيد الميلاد ولكن مافيها باس نهار عيد ميلادهم نخرجوهم ولو نشريو غير حليوات مقطعين مع الرايب ونحسسوهم راه حنا مفكرينهم يعني شبه احتفال و مافيهش تشبه بالنصارى والله يصلح وليدات المسلمين.
ردحذفالسلام عليكم اخت ام سلمى اللهم بلغنا رمضان ويدخل على الامة الاسلامية بالصحة و الرزق و راحة البال و شكرا على الورقة طريقة سهلة و اقتصادية و الله يقويكم على الغربة وتجيو تزورو البلاد بالسلامة ان شاء الله.
ردحذفوسمحولي اخواتي على الغياب مكنتش في الدار منذ 3 ايام.
ردحذفسلام أختي أم عبيرياربي أمين إلطاح ليك الجنين كيكون صعيب بالنسبة ليا أنا ثلاث أشهر ونا فيا نزيف إوا الحمد لله علي كل حال دبا عوضني الله بأدم
ردحذفأختي MIMO KOKO والله مبقيت درتلو والو مسكين ولكن من بعدإلدخلتو لروض فينما وصل عيد ميلاد ديالو غيكولوليك جيبي ليه منادا TARTA إوا فديك لوقيت أش غتقولي
ردحذفSalam w3alykom ntmana tkone dayman bikhir in cha alah ana bhalk okht oul mohamad makla dyal mo3lbat madkhlch adar kanklo kolchi dyal adarmane tawfir flos wmane saha mzyana 3ndi bnti wlftha sa9ta mamno3a wdaba wkha t3tiha matkolhch haya katmchi rawd kolchi lawlad tayb9w tmak yaklo tamk kol wahd chne taykol chi rayb chi s9ta ana tanmchi njibha m3a 12 tghda fdar li9sm alh wnrj3ha tamra sir waji walkn hsan man dkchi dzn9amaynf3hom 9ad ma ymrdhomi ila hayti man mawad mosn3a raha ghtwfri flos intil9n man rasi rifya oum rayane
ردحذفسلام عليكم،أختي هوارية الله يعوض ليك الجنين لي طاح ليك بالخير ويرزقك إنشاء الله ذرية صالحة.
ردحذفسلام عليكم،أختي أم عبير ياربي أمين يدخل بصحة وسلامة ،ولا شكرا على واجب ،عندك الحق الغربة صعيبة والله يجيب جميع المغتربات بالسلامة ونلقاوكم حتى نتما بالصحة والسلامة.
ردحذفالسلام عليكم اخت ام محمد رضا. ماشي حتى ولفنا كلامك الزوين عاد وليتي تغبري علينا ههه. را توحشناك وتوحشنا نصائحك القيمة الله يعطيك عليها الصحة و راحة البال. ان شاء الله تكوني بخير انت وليداتك ومول الدار.
ردحذفالسلام عليكم ورحمة الله تعالى وبركاته فين غبرت علينا الاخت أم محمد رضا لعل المانع خير .بأني وخا تقرأي علينا غير السﻻم. كندخل غير باش نقرأ التعاليق ديالك. كيعجبوني الأفكار اللي كتقتترحي. تبارك الله عليك.ام قمر
ردحذفالسلام عليكم اخت ام قمر سبحان الله كتبت انا وياك نفس الشيء شفتي شحال ولفناها ولفنا كلامها العزيزة والمتفانية ام محمد رضا الله يحفظها ويفرحها بوليداتها.
ردحذفالسلام عليكم الحادڭات
ردحذفالسلام عليكم اختي بنت البلاد مرحبا بيك عند بسمة.
ردحذفSALAM ANA 3ANDI FARAN DIAL LBOTA KAYHARAG O BGHIT HAL 3AFAKOOM
ردحذفSALAM ANA AWAL MARA KANCHARAK BGHIT NA3RAF CHI HAL LILBOTA BIALI DIAL LGAZ HATHARAG LI L AWANI
ردحذف