السلام عليكم و رحمة الله و بركاته
موقع بسمة لكل ما يهم المرأة العربية يقدم حلويات مغربية : بالخطوات المصورة
مقادير و طريقة تحضير حلويات منها الحلوى المشهورة حلوة كعب الغزال مغربية بامتياز
حلويات مغربية من الاخت ريم جزاها الله عنا كل خير
مقادير حلويات مغربية
اولا مقادير العجين لتشكيل حلويات مغربية مختلفة و تصلح لاشكال متعددة
250ج فورص ممتاز
90ج زبدة لعبار لينة
م ك سكر كلاصي
ملح
ماء الزهر لجمع العجين
للدهن الحلويات اي الماكياج ههههه
- م ك ناباج + م ص كليكوز مسخنين حتى يطلقو ولموجدش الكليكوز غير الناباج كافي
-البرييو
طريقة تحضير عجين تصلح ل حلويات متعددة مغربية و جزائرية
نخلطو الطحين والسكر والملح ويبسس الكل جيدا بالزبدة حتى تختفي تماما ونجمعو بماء الزهر تكون قاصحة وتدلك وتعمل في بلاستيكة وترتاح في الثلاجة من الافضل ليلة كاملة
عقدة اللوز التي تستعمل في حشو الحلويات المغربية
1/2 كلج لوز مفسخ ومنشف جيدا ومطحون مرتين الاولى لوحده والثانية مع 250ج سكر
ويضاف اليه 2م ك زبدة لينة +قبصة مسكة +ماء الزهر لجمع العقدة
لتشكيل كعب غزال الذي يعتبر من الحلويات المشهورة المغربية
التشكيل
بالنسبة للكعبة
نطلقو العجين في رقيق ونشكلو كيف العادة ونقشوه من الاسفل ومن الفوق ونخليوها تبات وتتقب بالابرة او فونتي وتدهن بالزبدة مدوبة وتطهى في فرن دافئ لمدة مابين 15 و20د كحد اقصى ولما تبرد تدهن بمواد الدهن وترش بالبرييو من الفوق فقط الصورة توضح
حلويات مغربية : الشكل الثاني
تقطع العجين دوائر وتحشى كل دائرة باصبع من العقدة ويدهن وجهه ببياض البيض ويلف عليه العجين ويزين بوردات من نفس العجين مضاف اليهم الكاكاو للون البني والوان اخرى حسب الدوق ويلسق الكل ببياض البيض وتنقش الفراغات وتزين الجوانب بنصف حبة لوز مفسخ وتترك ليلة كاملة وتدهن بالزبدة مدوبة وتطهى مثل الكعبة اليكم الصور
الشكل الثالث من حلويات مغربية
الكعبة بنقش الكوزة
نفس الطريقة في التشكيل والنقش من الاسفل والاعلى لي زايد اننا تنقشوها بالنقاش على شكل كوزة او اي شكل محبب ودلك بالضغط على العجين بالنقاش المدكور فقط عملية ساهلة ومضمونة الصورة توضح
معلومات و نصائح لنجاج حلويات متعددة و مغربية
-العجينة تطلق ناشفة ولا تلسقات شوية لينا رشو مكان الاشتغال بالطحين والنشا مخلطين
-اللوز ضروري منين يتفصخ يبات مطلوق على منديل مقطن باش ينشف جيدا وخا الطول الحلوة ميغمالش وميتغيرش طعمه
-المسكة في اللوز منكتروش منها لانها تتعطي دوق مر وبحال الصابون
- الكعبة نتقبوها 5 تقبات وخاصها تخرج من الجهة الاخرى
- لبرييو نعملوه في يدنا وندوزوها على الفوق ديال الكعبة منعملوهش ليها كاملة
- لكنا غادي نعملوها لمناسبة ومازال بعيدة وحبينا نعملوها على تيساع نحتافضو بها
منين نشكلوها ننخليوها تبات ونتكوها وندهنوها بالزبدة ونعملوها في بلاطو او طاوة مفرشة بورق الطبخ بابيي اليمينيوم وحدة جنب اخرى وندخلوهم للمجدم حتى يقصاحو ونجمعوهم في لاطة فرشة بفرشة ونعزلو بينهم بورق اليمينيوم ونخليوهم حتى الوقت الحاجة نخرجوهم يطلقو ونطيبو عادي
-منين نخرجوهم من الفرن نزولوهم من الاطة في الحين منخليوهمش يبردو فيها لان غادي يرجع عليهم الصهد داللاطة ويقصاحو
- حتى يبردو عاد ندهنوهم بالناباج ونزينو بالعقيق لان لعملناه في الاول منين تندهنو تيمشي لو اللمعان ديالو انا تنفضل حتى الاخير وراه تيلسق غير بالناباج غير تنزلولعقيقة في مكانها مدهون تتثبت
وبالتوفيق
tabarkala 3alik akhti
ردحذفtbarkalahe 3lik ekhte rim rzzzzzzzzzzzzzzzzzzzzzzzzzzzzzzzzzzzzzzzzzzzzzzzal
ردحذفهاد النوع دالحلويات هو ارقى واجمل والذ نوع على اﻻطلاق....والاهم انكم عطيتولنا نصائح مهمة بزاف فالاخير...شكرا♥♥
ردحذفWach darori had lhalaw rasha tb9a hta lghad 3ad ntyboha hit ana mkan3rfch l7law dyal loz jawboni
ردحذفشكرا اختي على هاد الحليوات الزوينين وشكرااكتر على النصائح انا كنجرب الكعبة ومكتصدقليش ودابا غادا نخربها بالطريقة ديالك الله يعطيك ما تمنيتي
ردحذفchokran khtiiii bazafff 3la had lhliwat zwinin ou hta 3la nasiiifa merciiiiiiiiiii
ردحذفmerci
ردحذفhadch mzn1
ردحذفslm les filles cv ome janate o lebenate lamline labase 3elikom rebi ila ma3te9oni o 3awnoni ana 3ade yala bedite konte f wahde stage o men werah galo liya ghadin ne diro me3ak contrat mais salaire machi chi haja 2500 ma3a l3ilme que mamzewja ma walo ghir dyal rasi hade 2500 fiha ghire transport o golte njm3e chi haja bache nekmle 9erayeti 3afakom ila ma3awnoni ma3eraftche wache newaf9e 3eliha o nkhedme wakha b hade salaire o l nn o kifache ne9dare nejm3e biha chewiya merci
ردحذفهد الشيء زوين تبارك الله
ردحذفالسلام عليكم اخت بسمه انا عندما اعمل ورقة كعب غزال بهذه الطريقة كتجيني قصحة ارجوك ان تعطيني حلا لهذا شكرا لكي
ردحذفانا عندي مشكل مع هاد نوع ديال لحلوى ديما كتجيني قاصحة واش نقدر نضيف شويا ديال الخميرة الكيماوية
ردحذفلبنات انا عندي لعرس فالصيف ان شاء الله سنو هوما لحلاوي لي كتنصحوني بيهم لي نصايب
ردحذفماشاءالله عليك أختي على شرح ديالك
ردحذفهاد شي زوين
ردحذفولاكين غالي
السلام عليكم
ردحذفالحبيبة اللي بغيتي تعملين في الحلويات اعمليه
في نظري ما احلى من البساطة
الفقاس حلوة الفاسية حلوة الكوك والسميد اي نوع من حلويات صابلي كعب الغزال
lmangach li zawanti bih kayhama9 fin chrith
ردحذفsalam o3likom akhti hadak ka3blghzal darto losti jalha zwin bazaf brit nsawlkom 3afak fin kayatba3 ramracham dyal ka3blaghzal dayar bhal dyal panasija ochokran
ردحذف