حايرة شنو توجدي لضيوفك دخلي غادي رجعك لالة مولاتي و لالة الحادكة : الجزء الاول

السلام عليكم و رحمة الله و بركاته

موقع بسمة لكل ما يهم المرأة العربية يقدم : حايرة شنو توجدي لضيوفك دخلي غادي رجعك لالة مولاتي و لالة الحادكة : الجزء الاول

حايرة شنو توجدي لضيوفك دخلي غادي رجعك لالة مولاتي و لالة الحادكة : الجزء الاول

إوى يا لالة مولاتي و يا لالة الحادكة ملي كنبغيو نعرضو على شي حد كنتلفو مكنعرفو اش نوجدو خاصة الى كانو الضياف عزااااااااز على قلوبنا

 بإذن الله فهاد الموضوع غادي تقدم ليكم الاخت بسمة بعض الافكار و المعلومات المرفقة بالصور لبعض الاطباق التي تقدم للضيوف و ذلك عن طريق اجزاء

الجزء الاول : افكار لتقديم الحليب و التمر + المقبلات + السلطات

الجزء الثاني : الاطباق الرئيسية و المشروبات

الجزء الثالث : الديسير

الجزء الرابع : الكاسكروط او الكوتي

اول حاجة غادي نبداو بيها أ لالة مولاتي و يا لالة الحادكة هي النظافة ديال الدار  يعني قبل ايام من قدوم الضيوف ضربيها بواحد التخميلة فاعلة تاركة حيت النظافة و النقا هما اول حاجة خاص المرأة تهتم بيهم حيت الا جاو الضياف و لقاوك مموجدا والو فالاكل و الشهيوات غادي يعذروك و ممكن إلقاو ليك الف عذر بالاضافة الى انك ممكن ديباني راسك و تشري من الجاهز و تقضي بلي كان غير كاس د أتاي و تكوني بشوشة الوجه و تستقبليهم مزيان هادشي بالنسبة ليا كااااافي

لكن إلا لقاو دارك مجرتلة و مووووسخة و مغبرة راه اكييييييد نتي معفونة و محادكاش فنظرهم هذا هو حكم الناس عليك يعني دارك خاصها تكون مرايا إلا بغيتي تكوني لالة مولاتي و لالة الحادكة

صالون يتساس و يتشطب مزيان و يتقاد 

 سريبتات إتصبنو ويتصلحو إلا كانو من النوع لي كيتكمش و كذلك الفوطات  حتى هما يتصبنو

و الكوزينة حتى هيا متنساوهاش يعني الثلاجة تكون نقية و كلشي مستف على حقو و طريقو لبلاكارات اكون كيشعلو خاصة إلا كانو الضيوف من النوع لي ممكن ادخلو لعندك حتى الكوزينة

و النهار لي غادي اجيو لعندك خاصكي يا لالة مولاتي تفيقي بكرييييييييييي اول 
حاجة تجمعي الدار و تفتحي الشراجم باش تهوا
للحصول على رائحة عطرة في ارجاء البيت

و دوزي للحمام تسيقيه و ترشيه بالمعطرات ممكن الاستعانة بهذا الموضوع

لتعطير الحمام : للحصول على رائحة رائعة في الحمام

معطر للمرحاض صنع منزلي

للحصول على زليج لامع لمدة طويلة

و علقي الفوطات و وجدي شي صنيديلة للوضوء حيت شي مرات كيطلبها الضيف عاد كنبقاو نقلبو عليها 

طبعا و الصلاية حتى هي تكون موجودة فالصالون 

نمسح التلفزيون و ديكورات و المرايات 

طريقة رائعة لتنظيف زجاج النوافذ بأسهل الطرق و دون الحاجة الى ماء

 و منساش إلا كنت دايرة شي حاجة فوق البوطة نرد ليها البال

و نوجد الطبلة 

إلا كنتي أ لالة مولاتي غادي تسربي الغدا مباشرة نوضع السرابت و طبيسلان المعيلقات سكاكين ولي فوغشيط و اي حاجة ممكن نحتاجها

في هذا الموضوع ستجدون طرق طي المناديل

طرق طي مناديل المائدة

إلا بغيتي تقدمي فالاول التمر و الحليب اليك بعض الاقتراحات

التمر ممكن تعمريه باللوز مسلوق و مفسخ و تخليه حتى ينشف مزياااااااان عاد طحنيه مع السكر و تعمري بيه التمر و تزيني بالكركاع  مثل الصورة و تقدميه مع منادل ورقية

او ممكن ان تقدمي التمر بالنوكا مثل الصورة المقادير و الطريقة على هذا الرابط

التمر بالنوكا 

و في هذا الرابط مجموع من الطرق لتقديم التمر

=========================================================

نمر للمقبلات و السلطات التي تسبق الاطباق الرئيسية

نقترح عليك يا لالة مولاتي هذه التشكيلة من المقبلات

في هذا الرابط ستجدين مقادير هذه المقبلات التي في الصور و المزيد ايضا

اضغط هنا : المقبلات على موقع بسمة

ممكن تقديم بعض المملحات ايضا

المقادير و الطريقة هنا 

==============================================

نمر للسلطات و نقترح عليك زيارة القسم الخاص بالسلطات

اضغط هنا لمشاهدة قسم السلطات

اذا كان الجو باردا من الاحسن تقديم مثل هذا النوع من السلطات

طبقا كلشي كيعرف طرق تحضير السلطات الخضر كتكون اما مسلوقة او مبخرة مع الملح الروز مسلوق ملي نصفيوه نغسلوه بالماء بارد غير من ربوني باش ميتعجنش و نخليوه حتى ينشف مزيان نزيدو ليه المايونيز الذرة و طرق التقديم هي المهمة راه الصور كتوظحها 

هذه الطريقة سبق ان قدمتها في هذا الرابط 

سلطة على شكل طارت بالخطوات المصورة

 اتمنى ان تعجبك هذه الاقتراحات و كوني في بيتك فعلا لالة مولاتي و لالة الحادكة

هذا كل ما يخص الجزء الاول انتظروني غدا بإذن العلي القدير في الجزء الثاني : 

الاطباق الرئيسية و المشروبات

#اطباق رئيسية #قسم العراضات و الولائم