لتساقط الشعر نتائج مبهرة و من اليوم الأول من ام علي

السلام عليكم و رحمة الله و بركاته

موقع بسمة لكل ما يهم المرأة العربية يقدم تجربة الاخت ام علي للحد من تساقط الشعر 

انقل لكن موضوع الاخت ام علي جزاها الله خيرا التي تحكي عن اليازير و فوائده للشعر

السلام عليكم 

أخواتي أنا هادي شي شهر و أكثر بدا شعري كيطيح بشكل مخيف عقدني لدرجة أنني في هاد الأواخر مبقيت كنمشطو نهائيا كنغسلو و نجمعو حتى للغسلة الجاية , بالصدفة كنت سمعت في صباحيات واحد الوصفة للتساقط باليزير صراحة مهتاميتش بيها ,إوا دازت أيام ولدي مرض مشيت كنقلب ليه على واحد العشبة في الكوزينة و شفت هداك اليزير كلت علاش منجرب على الله تكون شي نتيجة إوا يالالياتي شديتو درت شي زوج معالق كبار في كسرونة زدت عليهم كاس كبير و نص ديال الماء و طبختو مزيان مزيان و طفيت عليه و غطيتو ملي بغيت ندخل للدوش صفيت منو و دخلتو معايا ملي كملت خويتو على شعري , ملي خرجت كلت أرى نقلب عليه في النت واش بصاح كيصلاح للتساقط وقريت على الفوائد ديالو و لقيت واحد البنت كتشكر فيه و تعاود و قالت أنها كتستعملو كلوسيون يوميا كديرو قبل ما تنعس للجلدة كاملة ديال الشعر و كتجمعو و تنعس يوميا يوميا وقف ليها التساقط و طوال شعرها.....صافي فرحت و درت بكلامها في الليل و جريت معايا حتى راجلي درتو ليه حيتاش حتى هو عندو مشكل التساقط , إوا الغد ليه أجيو تشوفو المفاجئة شعري قل التساقط ديالو بشكل كبيييير و لله الحمد وزوجي نتفت لو شعرو هههه الله يسمحلي منو حتى زغبة مطاحت مع العلم أن هداك القطن باش كنت نديرلو اللوسيون كلو عمر شعر .و الرائحة ديالو معروفة أنها زوينة وممكن إلى ما بغيتيهاش تتشم دهني أطراف شعرك بشي كريم أنا كنستعمل ديال أولترادو بالأفوكا 

وهادشي لي قريت عليه في النت على الشعر 

اكليل الجبل ومشاكل الشعر

لإكليل الجبل قيمة وشأن مع مشاكل الشعر حيث أنه يؤدي إلى تماسك الشعر ومنع سقوطه ومساعدته على النمو بسبب مساعدته للدم على الوصول والتدفق إلى الرأس

فرحوني أخواتي كيما جيت بغيت نفرحكم و نفيدكم أنا طامعة فشي دعيوة بالولادة الميسرة وبالشفاء لولدي والسلام عليكم

#العناية بالشعر #صحة وجمال #قسم التجميل #وصفات تجميل