-->
موقع بسمة موقع شهيوات مغربية حلويات مغربية متنوعة و اطباق مغربية
#بقاي_فدارك
// // كوني صديقة زوجك بافكار من بسمة لنرتقي معا في حياتنا الزوجية

كوني صديقة زوجك بافكار من بسمة لنرتقي معا في حياتنا الزوجية

السلام عليكم و رحمة الله و بركاته

موقع بسمة لكل ما يهم المرأة العربية يقدم بعض النصائح لتصبحين صديقة زوجك


للاسف بزاف دلعيالات كيتشكاو ان رجالهم مكيبغيوش يخرجو معاهم و حتى لو خرجو كيتمناو غير يمتا يرجوا و كيشوفو ديك لخريجة من ناحية الواجب اما لو كان بيديهم ميخرجوش

و الصراحة الا جيتو تشوفو راه عندهم الصح راه كاينين شي عيالات شنو غادي نقول ليكم غير الله يهديهم و صافي

كتلقاها لابسا ليك واحد الطالون  و ياريت غير كون كانت كتعرف تزيد بيه الراجل راه سااااااابقها و هيا جايا ليه بشوياااااا و على خطرها و ملي كيتسناها توصل عليه كتبدا تعود ليه على السباط لي دابرها ولي ضرها فرجليها 

واش هادا موضوع تهدري فيه و راجلك مخرجك زعما يساريك

اولا كتفكر لكريدي ديال با ابراهيم حتى تخرج و تبدا عليه راه با ابراهيم بغا فلوسو راه مزال مخلصتيهش راه غير شوية و تجيك لورقة ديال الضو و الماء و المصاريف ديال المدرسة حتى هما و دبر راسك انا كنكوليك اخر الشهر ملي نكوليك اعطيني نجيب جلابتي من عند الخياط و كوليا معنديش

لا اله الا الله محمد رسول الله

 اولا مكيعجبوها الكرارس لي كيبيعو داكشي ديال 5 دراهم حتى تكون معا الراجل عاد تمشي تخشا مع العيالات تقلب و تبدا تعيط على راجلها وااااا فلان اجي تشوف هادي راه خاصنا فالدار و هو مسكين يحشم حيت الكروصة كلها عيالات كتجيه حشومة يدخل وسطهم

بحال هاد النماذج راه الراجل ميعاودش افكر اخرجها مرة اخرى و هذا شيء عادي على مالو يخرج معاه المشاكيل حتى لزنقة 

او الا شرا ليها شي حاجا تاكلها خلالالالالاص بحال لكلاص مثلا  بعدا تسولو بشحال و تقوليه غالي و تبدا تاكل فيه و هو كيقطر عليها و حالتها حالة شوية تقول ليه درني فكرشي بغيت ندخل لطواليت ههههههههه

اولا تسلم على شي صاحبتها و تخلي راجلها كيتسنى و تشد التعاويد فالخوا الخاوي


بحال هاذ النماذج للاسف موجودين لمشكيل و كيتشكاو علاش مكيبغيوش رجالهم يخرجوهم

باش تكوني صديقة لزوجك يبغي يخرج معاك يعاود ليك يستاشر معاك يفضفض ليك اليك بعض النصائح


اولا الا كنتو خارجين لباسك طبعا لباس يكون كيليق بك كامرأة مسلمة و حاولي دائما تلبسي شي حاجة مريحة يعني لا تعيق السير حاولي تكوني مرنة خفيفة 

 نساي كل المشاكيل لكرديات مشاكيل دراري و كل ما كيخص الدار و فكري انك خارجا تستمتعي بوقتك نتي و شريك حياتك خليه يحس انو خارج مع انسانة اخرى 

 الا كنتو جالسين فمقهى او فشي جليسة زوينة حاولي تكوني راقية فلجلسة ديالك و حاولي باش عمودك الفقري يكون مجبد مشي مقوس

 و كوني دواقة فالاكل مشي طيحي على الطبسيل متهزي راسك حتى تصفيها ليه 

ومضغي و نتى سادا داك الفم كاينات لي مكتجيهم الهدرا حتى يكون فمهم عاااامر ماكلة بففففففف 
و مضغي 
و بلا صوت وياكي تفكري ديك درسة او السنة لي كضرك و يقوليك داك الراس توريها ليه 

ستمتعي باللحظة عطي لراجلك ياكل من يديك  مرة مرة هضري على شي حاجة و نساي عليك الماكلة

حاولي يكون عندك اروع الفنون فن الاصغاء : يعني ملي راجلك يكون كيعاود ليك نساي كلشي و ركزي فكلامو و عينيك فعنيه حتى و لو يكون كيعاود ليك شي حاجة تافها ولو شي حاجة سبق ليه عاودها ليك ديري راسك بحال لو انك اول مرة تسمعيها 
و الابتسامة لا تفارق وجهك

تفاداي كل المواضيع لي ممكن تفسد عليكم ديك لخريجة ذكريه بأيام لقائكم الاول او يوم جا يخطبك كيفاش رتاحتي ليه من اول مرة شفتيه فيها وصفي ليه الشعور الزوين لي حسيتي بيه 

و في الاخير متنسايش قبل مترجعو للدار او و نتوما فباب الدار حاولي تشكريه بكلمات مناسبة مغديش نقولهم ليك حتى هما نتي و شطارتك

ولا عرفتي تمشي تخصري لهدرا و تقولي ليه سير بعدا خلص الكريدي ديال با ابراهيم عاد تدخل لدار ااو تقولي ليه شحال تقامت عليك هاد الخريجة او لا كون غير دوك لفلوس عطيتهم ليا نجيب بيهم الجلابة من عند الخياط




اللهم نقولهم ليك حتى هما و بتحفظ 

شكرا بزاف على هاد الخريجة و الله لا يخيك عليا خليتني نعاود نرجع لداري بنفسية خرى
شكري الله قدامو و قلي حمدت الله و شكرتو ماشي كل العيالات عندهم راجل رائع بحال راجلي 
كانحس براسي محظوظة بيك و معاك

 ملي دخلي لدار طبعا و هو كيشوف فيك ستنشقي الهواء و نتي هازا يديك بحالا بغيتي تعنقي شي حد و هازا راسك لسقف إلا بانت ليك شي خملة خليها من بعدههههه


وبقاي الدوري بحال إلا  كترقصي ههههههههههه

واقلا زدت فيه و كثرث عليكم 
لذلك غادي نكتفي بهاد القدر 
و الى الموضوع القادم ان شاء الله

و سلامي الى كل امرأة مكافحة 
و كوني صديقة زوجك لنرتقي معا في حياتنا الزوجية
بسمة

#الحياة الزوجية

43 تعليق على "كوني صديقة زوجك بافكار من بسمة لنرتقي معا في حياتنا الزوجية"

  1. غير معرف19/9/11

    hhhhhhhhhhhhhhh had lmawdo3 kon dartih fi 9isam ibtasim m3a basma rah 9talni b da7k jabti dakchi fi samim hhhhhhhh

    ردحذف
  2. زوجة حادكة19/9/11

    اولا مكيعجبوها الكرارس لي كيبيعو داكشي ديال 5 دراهم حتى تكون معا الراجل عاد تمشي تخشا مع العيالات تقلب و تبدا تعيط على راجلها وااااا فلان اجي تشوف هادي راه خاصنا فالدار و هو مسكين يحشم حيت الكروصة كلها عيالات كتجيه حشومة يدخل وسطهم

    ههههههههههههه راه كنستغلو الفرصة ليدفع الثمن غاليا هههههه

    ردحذف
    الردود
    1. غير معرف6/3/13

      hhhhhhhhhhhhhhhhhhhhhhhhhhhhhhhhh

      حذف
    2. غير معرف6/3/13

      hhhhhhhhhhhhhhhhhhhhhhhhh

      حذف
  3. salma19/9/11

    hhhhhhhhhhhhhhhhhh walahila mat bi da7k wa3ndak l7a9 okht basma

    ردحذف
    الردود
    1. غير معرف9/3/15

      والله الى كلامك على صواب في بعض الاحيان تنديرو شي احوائج ما تنديوهاش فيهم وهي تتكون سبب الخراب الله يعطيك الصحة يا جميلة السيدات

      حذف
  4. salma19/9/11

    hhhhhhhhhhhhhhhhhhh walahila mat bidahk chokran okht basma

    ردحذف
  5. sawsan19/9/11

    c vrai kainin bhal had les femmes mais kaynin chi rjal htahoma khaski tkatbi lihom kif itsarfo hhh

    ردحذف
  6. فاطمة19/9/11

    تبارك الله عليك ختي بسمة

    ردحذف
  7. ام ايمن20/9/11

    ما شاء الله عليك اختي بسمة .حطيتي ايديك على الجرح انا كنقرى او كنضحك او فعلا كنتفكر شي حوايج اللي كنقدرو نديروهم بلا منردو البال.الله اجازيك بالخير.ام ايمن

    ردحذف
  8. موقع بسمة لكل ما يهم المرأة العربية20/9/11

    السلام عليكم و رحمة الله و بركاته

    الموضوع مضحك شيئا ما لكن الأهم من ذلك هو الاستفادة منه

    المرجوا من كل اخت لديها فكرة او نصيحة ان تكتبها لنا لتعم الفائدة على الجميع و نرتقي معا

    ردحذف
  9. زوجة مطيعة20/9/11

    نعم كما قالت ام ايمن كل هدشي كنديروه بلا منردو البال كنفكرو غير فراسنا كنساو الزوج شكرا جزيلا بسومة و شكرا على ما تقدميه لنا من معلومات و نصائح و نصيحتي انا و لكل زوجة هي الا عرفتي راسك غادي نزبليها بالهضرة غير سدي فمك حسن لك و كل ما سكتي يكون حسن هههههه

    ردحذف
  10. wijdane20/9/11

    hhhhhhhhh hbiba basma rah msrhiya hadi machi khrija oga3 9taltini b dahk mli 9olti

    ملي دخلي لدار طبعا و هو كيشوف فيك ستنشقي الهواء و نتي هازا يديك بحالا بغيتي تعنقي شي حد و هازا راسك لسقف إلا بانت ليك شي خملة خليها من بعدههههه

    3lach ya lala mathazi hadik lid lsma bhal ila ghatchdi chi tir ohbti biha 3la hnk si rajlak bchi tsrfi9a o9oli lih bkol romansiya hadi ghir bach n9olik chokran 3la lkhrija hhhhh.ach ban likom hadi fikra chaytaniya yak hhh

    ردحذف
  11. ghizlan20/9/11

    bghiti tkhorji 3lina alala wijdan

    ردحذف
  12. AMINA22/9/11

    DAHKTINI WELAH SIRI LAHLA YHRAG FIK AADAM
    VRAIMENT JIT FI DBRA DYAL LA PLUS PART DYAL LAAYALAT
    VRAIMENT IL FAUT CHANGE CHHAL MIN AADA LMAARA LMGHRIBIYA TATWKAA FIHA F LYAWMI DYALHA
    ALAH IKAMALN BAAKALNA WE STARNA F DANIYA WEL AKHIRA YA RAB
    WE BLA MANSAW DINA AL HAMDE LILAH FIH KOUL MA KAY KHALI LAAILA SOIT LKBIRA AW SGHIRA TRTAKI WE TSAAD
    ALAH MAA LJAMIAA ILA TAKAWH FI KHAFOU FIH AABADOU
    ALAH IHDINA AALA NFOUSNA
    MERCI BK AALA LMAWDOUAA
    SALAMI LILJAMIAA
    AMINA

    ردحذف
  13. haya15/11/11

    ana banasba li ma3andichi mochkil m3a rajli fhad chi aslan mikakon kharja m3ah kanansa doniya o mafiha olwa9t kayfot daghya makrahtchi nhar yatwal ktar wakha nhar kaykon twil o mikayimchi nlkhadma kan7as bwa7id l9ant kbir o makanarta7chi 7ata kayji 3ad katarja3 lbasma nwajhi

    ردحذف
  14. asma19/11/11

    jazaki allaho khayran okhti basma mawdo3 jamil jiddan

    ردحذف
  15. غير معرف13/12/11

    walah mawdo3 f samim hyatna ana kan3taraf b had chi w alah yasmahalna mn azwajna

    ردحذف
  16. غير معرف18/12/11

    tbarkllah 3lik khti bassma

    ردحذف
  17. aicha abedhabi31/12/11

    hahahahhahahhhh dahktini ofakrtini fi mama mskina kader bhal had l3ialat mais ana lhamdolillah rani mn bnat lyoum onasae7 li 3taiti wallah ila kan nderha

    ردحذف
  18. امال16/1/12

    اضحك الله سنك حبيبتى

    ردحذف
  19. امال16/1/12

    اضحك الله سنك حبيبتى

    ردحذف
  20. امال16/1/12

    اضحك الله سنك حبيبتى

    ردحذف
  21. zoubida25/1/12

    salam o3alikom
    bravo 3lik ana ba3da saliti m3aya bdahk mais hdarti flwa9i3
    bravo
    mrc

    ردحذف
  22. غير معرف2/2/12

    aktar man raw3a

    ردحذف
  23. lobloba14/2/12

    mawdo3 jamile

    ردحذف
  24. غير معرف15/2/12

    ana be3da 3andi mochkil wa9t ma5rejte me3a rajli howa likay beri ijbed lmachakil walakin ana kanhawel netfadah

    ردحذف
  25. غير معرف28/2/12

    عندك الصح ا ختي بسمة هد الشي كلو كاين,و الله يجازيك على النصايح، اجيو الخوتات اللي عندها شي موضوع و لا مشكل فالحياة الزوجية و بغات تستاشركم فيه، فين تكتبو؟

    ردحذف
  26. ام ابراهيم28/2/12

    ههههههههههههههههههه عندك الق الله يزين حياتك و حياة جميع المسلمات قولوامين

    ردحذف
  27. غير معرف30/3/12

    hhhh ana be3d lemodo3 bzzzzzzzzzzzaf we hadi awel mera radi nchof hade le maw9i3 o men lyom ana metb3ah

    ردحذف
  28. غير معرف4/5/12

    hadi zewina alala wijden

    ردحذف
  29. غير معرف31/5/12

    9taltini bidahek wallah .vraiment had chi kayn o kayn maktar mannooooooo je ta ime

    ردحذف
  30. KhàDiJà1/9/12

    Zin Had lmawDo3 3Jbni Nasa2ii7 walakin dik Nasi7a lakhira 3yana dakhalnii nb9a nachta7 majatCh ola la

    ردحذف
  31. عابرة سبيل1/10/12

    ياحظ من خط بيديه سطورا من نور تهدي السالكين في ظلمات الحياة؛كتت أمر بقدر الله من هنا فأثار انتباهي هذا الموضوع القيم الذي استفدت منه جدا أختي بسمة جعل الله البسمة لا تفاق ثغرك أضحكتنا على واقعنا المرير أضحك الباري سنك فأحببت أن أكتب بيميني عبارات شكراوعرفان لك حبيبتي على هذا الطرح الرقيق بارك الله جهدك وسدد قلمك وجزاك خير الجزاء.

    ردحذف
  32. سمية13/1/13

    بارك الله فيك أختي بسمة موضوع رائع

    ردحذف
  33. غير معرف4/2/13

    kalti ri saraha iwa lah ihdihom raki 9 taltini bi dahk

    ردحذف
  34. eshraga200022/2/13

    السلام عليكم أختي بسمة وجزاكي الله خير وعافية علي هذا المجهود المقدر والمفيد ، أما بعد انا عضوة جديدة ومعجبة
    جداً جداً جداً بالموقع وقمت بتعريف بعض الصديقات به لأكن للأسف في بعض الأحيان لا نستطيع أن نفهم اللغة التي يكتب بها بعض المواضيع وبعض الوصفات ولذلك اطلب منكم بكل امتنان لكم أن تكتبو لنا بالعربية الفصحي حتي تعم الفائدة ونستطيع أن نستفيد من إبداعاتكم وجزاكم الله ألف خير وفي ميزان حسناتكم والله الموفق

    ردحذف
  35. غير معرف18/4/13

    hhhhhhhhhhhhhhhhhhhhhhhhhhhhhhhhh

    ردحذف
  36. غير معرف27/4/13

    akhti jebtiha nichan tbark llah alik wkhlas.chokran bzaaaaaaf

    ردحذف
  37. غير معرف3/5/13

    hhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhhkkkhhhhhhhhhhhhhhh

    ردحذف
  38. غير معرف28/7/13

    Allah ijazik ba alkh

    ردحذف
  39. غير معرف2/2/14

    3ndk sah wlahila

    ردحذف
  40. غير معرف13/12/14

    ANA WAKHA KANDIR DAKCHI LIGALT BASMA MAKAYBGHICH IKHARJNI ANA HABSNI GHIRF DAR KAYKHARJNI MRRA F CHHRAYN MAKAYKHLIN HTA NTSKHAR O ILA KHARJNI MAKAYHDARCH M3AYA GA3 O HZA LIKAYDIR DAKCHI LGALT BASMA KAYCHOUF CHIKRROSA DYAL SIDIYAT TAYMCHI LIHA

    ردحذف

اتركي تعليقا
:) :( hihi :-) :D =D :-d ;( ;-( @-) :P :o -_- (o) :p :-? (p) :-s (m) 8-) :-t :-b b-( :-# =p~ $-) (y) (f) x-) (k) (h) cheer lol rock angry @@ :ng pin poop :* :v 100

الاشتراك في: تعليقات الرسالة (Atom)