-->
موقع بسمة موقع شهيوات مغربية حلويات مغربية متنوعة و اطباق مغربية
#بقاي_فدارك
// // ريجيم 3 ايام للتخلص من 6 كلغ - السيدة ربيعة

ريجيم 3 ايام للتخلص من 6 كلغ - السيدة ربيعة

السلام عليكم و رحمة الله و بركاته



ريجيم  للتخلص من 6 كلغ


اليوم الاول
الفطور
شرب كاس ماء دافي محلى بملعقة صغيرة عسل حر نضيف شريحة ديال الحامض و ثم ناكل نصف حبة بومبلوموس لونها وردي
الغذاء اكل سلطة تتكون من اوراق خس و سبانخ و فجل و ريحان و جزرة و 3 حبات فطر طري نقطعهم و نخلطهم مع قليل من عصير الحامض و ثومة و ملعقة مخلطة زيت بلدية و خل ثم ناكل بعد السلطة تفاحة كبيرة
العصرشرب كاس شاي بالاعشاب محلى بملعقة صغيرة عسل مع شريحة ديال الحامض 
العشاء
حساء مكون من
جزرتين
بصلة بقشورها مغسولة مزيان
الاوراق الخضراء ديال الشيفلور
ورقة سيدنا موسى
تنقى الخضر و البصلة بقشورها و نغسلوهم و نديرو كلشي في طنجرة مع 2 لتر ماء و نغطيو الطنجرة مزيان باش مايخرجش البخار و نخليوهم يغليو مدة 2 ساعات بلا ما نعريو الطنجرة و من بعد ساعتين نزيد عليهم نعناع و كرافس و شوية ريحان و الشبت ( هو اوراق البسباس و الى ماكانوش نديرو المعدنوس) و ملعقة من معجون الطماطم ثم نطحن  في الخلاط الكهربائي او يمكن نقطعهم صغار من الاول و نخليوهم بلا مايتطحنو
بعد تناول الشوربة ناكل اما تفاحة او بنانة او برتقالة  و ناكل علبة ياغورت طبيعي مخلط مع ملعقة صغيرة عسل و ملعقة كبيرة ديال النخالة


اليوم الثاني
الفطورنفس فطور اليوم الاول

الغذاءنفس غذاء اليوم الاول مع اضافة نوع من الخضر اما نزيدو خيزوة او جوج او نزيدو مطيشة او بصلة  خضراء للسلطة
ثم بعد اكل السلطة اما ناكلو الجبن البلدي او ناكلو نصف حبة افوكا
العصر مثل اليوم الاول دون تغيير
العشاءنفس العشاء ديال اليوم الاول مع تغيير نوع الفاكهة


اليوم الثالث
الفطور
بحال اليوم الاول و الثاني
الغذاء
نفس السلطة ديال اليوم الاول مع اضافة بيضة بلدية او جوج بيضات مصلوقين و اكل الجبن البلدي (الكمية اللي تشبعنا ) ثم اكل شوية من المكسرات اي نوع (لوز او كاجو او كركاع... الخ) و اكل حبة افوكا كاملة اما ناكلوها بوحدها او نخلطوها مع السلطة
العصرنفس اليوم الاول و الثاني
العشاء
شوربة بحال اليوم الاول او تعوض بالخضر مشوية مثل كرعة و دنجال و بصلة و مطيشة ...
ثم ناكل دجاج او سمك مشوي حتى الشبع و ناكلو كذلك جوج حبات بطاطس مسلوقين و حبة من الفاكهة حسب الاختيار بحال اليوم الاول و الثاني

ملحوظة : باش يعطينا الريجيم نتيجة جيدة خاصنا نتحركو و نديرو الرياضة و المشي و ماخاصناش نديروه الى كانت عندنا مشاكل صحية او امراض او حمل او رضاعة
الى تبعناه مزيان كينقص حتى ل 6 كيلو مع الرياضة و المشي و كذلك كيعطي نضارة رائعة للبشرة و يفضل في اليوم الاول للريجيم القيام بتدليك خفيف للجسم اما بفرشاة خاصة او كيس عادي في حمام البخار للتخلص من السوائل ثم بعد التدليك يغسل الجسم عادي

طريقة لغسل الجسم لاستقبال الريجيمقالت السيدة ربيعة انه للحصول على نتائج جيدة من الاحسن نديرو هذه الطريقة على الاقل يوم واحد قبل الريجيم
الاستغناء عن الملح او تناول ملح الصوديوم
الاستغناء عن السكر و المنبهات مثل الشاي و القهوة و كذلك الشكلاط
بالاضافة الى شرب ماء مكون من العناصر التالية :

اوراق عنب 5
2 حتى ل 3 اوراق ديال الكرمب اللي كيكونو الفوق على الوجه
ملعقة كبيرة قشور رمان
ملعقة كبيرة قشور تفاح
وريقات ديال الخرشف او القوق
شوية ديال الكرافس و النعناع و اوراق الفجل
كرعة حمرا بقشورها
3 حتى ل 4 ضروس ثومة بقشورها
جلبانة بقشورها
كرعة خضرا بقشورها
بصلة بقشورها

نغسلو كلشي مزيان و نديروهم مع الماء يتصلقو نصف صلقة و نشربو الماء ديالهم كاس كبير فالصباح و كاس كبير فوقت الغذاء و كاس فالليل و ناكلو الاكل ديالنا عادي و في الغذ نبداو الريجيم
و بالنسبة لهذا الماء يمكن نشربوه مرة في الاسبوع او مرة كل 15 يوم و لكن ماشي فاليوم ديال 
الريجيم

#الرشاقة و انقاص الوزن

مواضيع قد تهمك

15 تعليق على "ريجيم 3 ايام للتخلص من 6 كلغ - السيدة ربيعة"

  1. yassmin14/6/11

    chokran bazaf 3la had chi likadiri 3la kbalna

    ردحذف
  2. ASMAE14/6/11

    salam okhti basma chokran bazaf 3la had lwasfa 3andi wahad soeal chno haw
    بومبلوموس chno katkasdi bih
    و سبانخ و ريحان وشاي بالاعشاب ya3ni phal mal wiza yak

    ردحذف
  3. موقع بسمة لكل ما يهم المرأة العربية14/6/11

    السلام عليكم و رحمة الله و بركاته

    لا شكر على واجب حبيبتي ياسمين

    اختي اسماء البامبلوس نوع من الحوامض كالبرتقال و الليمون له مذاق مر شيء ما و يكون لونه احمر

    ردحذف
  4. غير معرف23/6/11

    ana hanane sin 30 tol 167 lwazn 100 khasni rijim bach n9s 30 kilo

    ردحذف
  5. غير معرف23/6/11

    salam ana hanane wasfa osbo3

    ردحذف
  6. غير معرف24/6/11

    lah y3tik saha akhti basma kolchi zwin kadiro

    ردحذف
  7. hayat26/10/11

    okhti basma ckoukran bezzaf 3la had lwasfa ,walakin 3andi sou2al:ch7al hiya kimiyat la soupe li khasna ncherbou wach zlafa wla kter ou3afak chnou howa ljobn lbaldi ana en france ouma3reftch bach nbedlou,3afak jawbini merci beaucoupppppp

    ردحذف
  8. غير معرف13/12/11

    chokra bzaf khti basma ana knrd3 wach macji mochkil ila drt had rijim

    ردحذف
  9. غير معرف13/12/11

    chokran bzaf 3la had lmawki3 ljamil ana kanrd3 wach machi mochkil ila drt had rijim

    ردحذف
  10. غير معرف13/12/11

    chokran bzaf basma 3la had regime,belha9 3ndi soual sghir,djaj wlbid li 9olti,kanden li khasna nakhdou ghir le blanc (s) poulet/oeufs machi kamel??

    ردحذف
  11. غير معرف30/1/12

    شكراعلي هده الوصفة بغيت نسول واش كتنزل 6كيلو اولي جربا يجوبني

    ردحذف
  12. غير معرف12/2/12

    wache hd ragime medmouna walala aak jawbinni deghya w ayi wehda jarbatoo :)

    ردحذف
  13. LAYAN24/2/12

    CHOUKRAN 3LA HAD NASSIHA

    ردحذف
  14. غير معرف19/3/13

    bghit nsewlkoum wach mjareb had regime

    ردحذف
  15. غير معرف21/8/13

    bghit ngolkom makayenech chi regime dyal morahi9aat o maykonch 9asa7 bezaf ana 3andi 15 ans presque 16 ans kanwezen 80 kg ta9riban pllzzz 3awnoni a khotii ett mercii :)

    ردحذف

اتركي تعليقا
:) :( hihi :-) :D =D :-d ;( ;-( @-) :P :o -_- (o) :p :-? (p) :-s (m) 8-) :-t :-b b-( :-# =p~ $-) (y) (f) x-) (k) (h) cheer lol rock angry @@ :ng pin poop :* :v 100

الاشتراك في: تعليقات الرسالة (Atom)